Bertsos - Ver ficha Más información sobre esta sección
1984-10-12 Tolosa Jaialdia [Bertsoa] / Xabier Amuriza, Imanol Lazkano
1984-10-12 Tolosa Jaialdia [Bertsoa] / Xabier Amuriza, Imanol Lazkano
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Lazkano: Hauek dirade une gogorrak
ta hauek une gaziak!
Beti gure gain behar ote du
mundu hontan desgraziak?
Ez pentsa gero inoiz gorroto
ditudan txori biziak!
Pena ematen dit bi alkartzea
eta gu biok gosiak!
Amuriza: Nere lagun bat orain sartu da
benetan trantze estura
txoria naizen aldetik zerbait
laguntzea ere juxtu da
krisis garaian nola txanponik
ez dan erortzen eskura
txoritxo honek alaituko dik
hire barruko tristura.
Lazkano: Biontzat dago mundu gogorra
biok bizi gera estu
desgrazi gehigo dunik ez dela
egin diteke apustu
biok daukagu bide bakarra:
dakigun eran abestu
tripatik hutsak bagaude ere
gutxienez penak ahaztu.
Amuriza: Penak baditu bezperak eta
luzeak biharamonak
pena ematen dit eskale honek
kale ertzean dagonak
pentsatu gero ez dituala
batere seinale onak
txoria baino duro ziztrin bat
nahiago duen gizonak.
Lazkano: Ez zazu uste nere bihotzak
pentsatzen dunik horrela
sinista zazu nere bihotzan
barru-barruan zaudela
baina nik kasi alimenturik
zuretzat ez nezakeela
bainan gutxinez emango dizut
nere soinaren epela.
Amuriza: Ez pentsa gero zaudela lagun
gorputz epelaren jabe!
Neu naiz gaur hemen heldu naizena
zugana oso (GRABAZIOA ETEN EGIN DA)