BDB Bertsolaritzaren datu-basea

Información general

Kategoria

Bat-batekoa

Actuación

1973-12-13 Azpeitia Jaialdia

Gai-emailea

Iriondo, Joxe Mari

Bertsolaris / Autores

Gorrotxategi, Jose Luis

Lazkano, Imanol

Ejercicio

Binaka gaia-emanda

Tema propuesto

Gai hau gertatua omen da. Lazkano emaztea degu eta Gorrotxategi senarra, Santa Luziko ferian izan den senarra. Baserritarra izaki, asto kozkor bat behar omen zuen, eta astoa ekarri du, baina justu orain dela urtebete zaharra zela-eta saldutako astoarekin etorri da gizona.

Descripción

Nombre de la estrofa

Zortziko txikia (hg) / Lau puntuko txikia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Herri Irratia - Gipuzkoako Foru Aldundiko Funtsa

1973-12-13 Azpeitia Jaialdia [Bertsoa] / Jose Luis Gorrotxategi, Imanol Lazkano

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 

---

Lazkano: Baserritarra izanda
hau da propaganda!
Hobe bidaliko banu
kristonak emanda!
Neuk ez nuan sinistuko
hau inork esanda
astua ez du ezagutu
lagunak izanda!

Gorrotxategi: Arrazoi txarra franko
nereganatzian
lehen saldutako astua
berriz ekartzian
kristonak esan dizkit
sartzean etxian
tratu berdina egin nun
andrea hartzian!

Lazkano: Joan ta lehenengo bazkaldu
bere kapritxura
urtero ibiltzen da
era berdintsura
gero asto zaharrai hartu
gaztian itxura
hau baina azkarrago da
ijito beltx hura!

Gorrotxategi: Pentsatzen nun gauza onik
ez zala aterako
asto bat erosi det
gure kalterako
andrian zer esanak
agertutzerako
hori nahikua bada
gure etxerako.

Lazkano: Animali faltik ez det
juan dan aspaldian
galdetzen det asto danak
neretzat al dian!
Osatuta bizi naiz
ni orainaldian
ikuiluan behar zuna
daukat sukaldian!

Gorrotxategi: Andria berriketan
gure etxeko martxa!
Erori zait bihotza
eta ezin altxa!
Tratua egin orduko
armatu dun saltsa!
Andre honek berak dauka
ijituan antza.