Bertsoak - Fitxa ikusi Atal honi buruz gehiago jakiteko
2013-11-24 Donostia Txapelketa [Bertsoa] / Jon Martin, Fredi Paia
| Bertsoa entzun |
2013-11-24 Donostia Txapelketa [Bertsoa] / Jon Martin, Fredi Paia
Neurria:
Hamarreko txikia (hg) / Bost puntuko txikia (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
F. Paia:
Jon ulertzen dut zure
pena ta trantzea
naturaren logika
ez zen bilatzea
tamala zure ama
gaur desagertzea
zaila da zure aita
oso aguantatzea
zer dela ta nahi duzu
orain ni hiltzea? (bis)
J. Martin:
Zuk utzi ezean nik
hil behar zaitut zu
aita hain triste dago
bihotzak ze pultsu...
Besarkatu nazazu
emaidazu muxu
diozun bezainbeste
maitatzen banauzu
nere aitatxo ere
maitatuko duzu. (bis)
F. Paia:
Zure aitakin ostiaka
amaitu dut usu
PPko bozkatzaile
etikan abusu
Aita Saintuai ere
eman zion musu
bera ura ni sua
horrela gaituzu
maitea erabakitzen
ikasi behar duzu. (bis)
J. Martin:
Beraz Aita Santuai
muxu emateko
zuri emango ez banizu
agian hobeto.
Gaizki moldatzen zara
batekoz besteko
bizitzak eman dizu
Fredi ulertzeko
aukera aitarekin
adiskidetzeko. (bis)
F. Paia:
Baina eske Jon ez dut nahi
jarriko naiz maltzur
dirurik ez du ematen
beti dabil hain xuhur...
Berakin bizitzeak
ematen dit beldur
zuri tokatu zaizu
ulertzen dut ziur
nik aukera nezake
banoa mon amour! (bis)
J. Martin:
Aukeratu zintudan
gazte abenturan
Jo gainetik ze karga
kendu berri dudan!
Aita ta biok gaude
inoizko tristuran
eta erruki apurrik
ere ez da zugan
zalantza daukat nola
maitatzen zintudan. (bis)
Datu-base honetan eskainitako informazioari buruz jakiteko, kontsultatu lege oharra