Bertsoak - Fitxa ikusi   Atal honi buruz gehiago jakiteko

2013-12-15 Barakaldo Txapelketa 11:00 [Bertsoa] / Maialen Lujanbio

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-12-15 Barakaldo Txapelketa 11:00
Gai-emailea
Jauregi, Saroi
Bertsolariak / Egileak
Lujanbio, Maialen
Lana
Bakarka gaia-emanda kartzelako-lana
Jarritako gaia
Egoerak beste aldean jarri zaitu.

Deskribapena

Data
1970-01-01
Doinua
Norbere mundu intimo
Neurria / Estrofaren izena
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-12-15 Barakaldo Txapelketa 11:00 [Bertsoa] / Maialen Lujanbio

Neurria:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


Norbere mundu intimo
norbere sexualitate
zabaldu eta besteekin
bihurtzen ditugu parte.
Desioek, pasioek
beren arantza dakarte
neri ere harremanan
lora bihurtu zait kate.
Ezin da inor behartu
inor derrigorrez maite
harremanak zabal behar du
bere aukera ta ate.
Halako diskurtsoak maiz
egiten nitun gaur arte
nik utzi izan det baina
gaur aldiz ni utzi naute. (bis)

Hain zena zoragarria
orain egin hain tamala
galdu det zure abaro
zure besoen magala.
Ez al nintzen ni nahi zuna
harreman bat liberala
beheko sua etxean ta
noiznahi noranahira bala?
Orain balak ni jo nau ta
hau da destinu zitala!
Iruditzen zait minetan
odolustutzen noala
orain beste alderditik
begiratzen baitet hala
nik falta dudan zati bat
beste batek daramala. (bis)

Mespretxutzat hartzen degu
eta nahiago ez entzun
“Nerekin nahi?” galdera horrek
ezetza badu erantzun.
Bikoteak hausten dira
igual horrela behar zun
zuk eta biok badugu
nahiko adimen ta zentzun
eta esan gabe doa
ze eskubide daukazun
opa dizut zoriona
aski desio, maitasun.
Nere lore gozo zena
nahiz bihurtu zaidan asun
ezin zaitut derrigortu
zuk ni maitatu nazazun. (bis)

Datu-base honetan eskainitako informazioari buruz jakiteko, kontsultatu lege oharra