Bertsoak - Fitxa ikusi Atal honi buruz gehiago jakiteko
2013-12-15 Barakaldo Txapelketa 11:00 [Bertsoa] / Sustrai Colina
| Bertsoa entzun |
2013-12-15 Barakaldo Txapelketa 11:00 [Bertsoa] / Sustrai Colina
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Frankismoan ibilia
bide ezkututan barna
Espainiko espetxetan
utzi dut nere aztarna.
Neretzat ere jo zuten
ateratzeko alarma
ta geroztik gozatu dut
bizi askearen xarma.
Baina patuak berriro
mamu zaharrera narama
sofan eserita gaude
ni ta umearen ama
gaur gure umea baita
auzitegira doana. (bis)
Amak korapilatuta
ta goibel dauka barrena
nik berriz zulo berean
egin behar dut herrena.
Horrelakotan sentitzen
da bat hutsaren hurrena
zeresanik ez badaki
audientziak dakarrena
kartzelan igaro nuen
urte pila nabarmena
ta orain bete behar dut
senarra ta aitarena
ta egia esan ez dakit
bitan zein den okerrena. (bis)
Nekeza da asumitzen
bizitzak ipini rola
nik ere negar eiten dut
eta galtzen dut kontrola.
Eguna ailegatu da
espero gabe inola
semea audientziara
doa borborka odola
nahiz ta begiratzen didan
fuerte ia ezaxola
nik eskutik heldu diot
umea zenean nola:
“Semea jakin ezazu
zurekin harro nagola.” (bis)
Datu-base honetan eskainitako informazioari buruz jakiteko, kontsultatu lege oharra