BDB Bertsolaritzaren datu-basea

Informazio orokorra

Kategoria

Bat-batekoa

Saioa

2006-05-07 Durango Jaialdia

Gai-emailea

Jauregi, Saroi

Bertsolariak / Egileak

Elortza, Igor

Lujanbio, Maialen

Lana

Binaka gaia-emanda

Jarritako gaia

Kantu herrikoi batek niri pena handia ematen dit. Kantua dio: Anttoni, Anttoni ate ondoan nago ni. Ai, Antton, ai Antton... Ez, ez. Aski da. Bada garaia barrura sartzeko.

Deskribapena

Doinua

Aresoarren bandera

Neurria / Estrofaren izena

Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2006-05-07 Durango Jaialdia [Bertsoa] / Igor Elortza, Maialen Lujanbio

Neurria:  Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip) 
Kokapena:  XDZ - Xenpelar Dokumentazio Zentroa 

---

M. Lujanbio: Hamar urteko boladan
balkoi azpiko pasadan
hor ibili da jira ta bueltan
sarri nere traban;
berriz ate joka dan-dan!
Zabaldu arrapaladan
ta ia ez dakit zu Antton zeran
edo beste bat dan. (bis)

I. Elortza: Hauxe ez neban espero
neu be nago erdi ero;
bueno Anttoni a(g)indu egizu
zer egin behar dan edo...
Zure atean portero
banintza eta balego
atea joten baino ez dakit
urteok ta gero. (bis)

M. Lujanbio: Beraz atea jotzeko
entrenatuta ta peto...
Segi horretan zure intentu
eta gainontzeko;
ez al zabiltz Antton seko
inpaziente antzeko?
Ilea hazteko zai nengoen ni
trentzak botatzeko. (bis)

I. Elortza: Herri kantuen kasoa
da kaso bat kuriosoa;
igual hementxe hasi liteke
iraultza osoa;
zuk eman duzu pausoa
ta bai momentu gozoa;
igual konpondu egingo dugu
euskal arazoa. (bis)

M. Lujanbio: Gu hori konpontzeko gai
ez gera eta ez det nahi;
nik nahiago det konponbide eman
kontu intimoai:
atea ireki ta ai!
Gainera datorkit lasai...
Ate atzean ez ate atzean ez!
Baino ganbaran bai. (bis)

I. Elortza: Ganbaran bai mila neke...
Benetan posible ete?
Gure arazoa konponduko da
gozo eta merke.
Bestea jarri zait tente
sortuko da ehunka jente:
lehenengo Antoni, gero Anthoine ta
gero Antoñete. (bis)