Bertsoak - Fitxa ikusi   Atal honi buruz gehiago jakiteko

2007-01-07 Oiartzun Jaialdia [Bertsoa] / Amets Arzallus, Arkaitz Oiartzabal "Xamoa"

Bertsoa entzun  

Informazio orokorra

Kategoria
Bat-batekoa
Saioa
2007-01-07 Oiartzun Jaialdia
Gai-emailea
Azkune, Laxaro
Bertsolariak / Egileak
Arzallus, Amets
Oiartzabal, Arkaitz "Xamoa"
Lana
Binaka gaia-emanda
Jarritako gaia
Neska-mutilak. Mutilak serio samar hasteko gogoa dauka eta neskari proposamen hori egin dio. Neskak, ordea, lagun bezala jarraitzea nahiago du.

Deskribapena

Doinua
Praixku Galtzazarreta A
Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2007-01-07 Oiartzun Jaialdia [Bertsoa] / Amets Arzallus, Arkaitz Oiartzabal "Xamoa"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 


A. Arzallus: Batzutan hor hasten zait
gerritikan heltzen
hurrena kasorik ez
beltzenetan beltzen.
Nahiz eta behin ta berriz
saiatu agertzen
"lagun"-ak ze esan nahi dun
nik ez det ulertzen.

A. Oiartzabal: "Lagun" da zauden baino
pixkat urrunago.
Haseran txolinduta
ninduzun zeharo;
morboa badaukazu
badakizu klaro!
Baina urrundik duzu
askozaz gehiago.

A. Arzallus: Konbentzitzen saiatu
hala ere alperrik!
Nik bota dizkiot ba
hain bertso ederrik?
Urrutitik morboak
ez dula indarrik
orduan begiratu
gertutik bakarrik.

A. Oiartzabal: Nola jarri zalantzan
Ametsen nibela?
Orain artean ondo
geunden dena dela.
Nik badakit ederki
zabiltzan bezela
nik nahi dudan guztitan
nirea zarela.

A. Arzallus: Nahi duzun egunetan
etortzeko parrez
ta ez zatozenetan
uzteko negarrez.
Erabakia hartu
beharko da aurrez:
kantuak dion gisan
dena ala ezer ez!

A. Oiartzabal: Baina eskatzen duzu
Jesukriston pila!
Asko daukazu eta
gehiagoren bila.
Hala bada kontua
adio mutila.
Portzierto ba al daukazu
Sustrairen mobila?

A. Arzallus: Orain emango dizut
hemen daukat klaro:
sei, bat, bost, hiru, zero
apuntau gorago;
lau, bost eta zazpi, sei
ipini lehenago
Ah ta portzierto Sustrai
okupauta dago.

Datu-base honetan eskainitako informazioari buruz jakiteko, kontsultatu lege oharra