Bertsoak - Fitxa ikusi   Atal honi buruz gehiago jakiteko

2001-05-27 Oiartzun Jaialdia [Bertsoa] / Mikel Mendizabal, Jokin Sorozabal

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusirako Gipuzkoako Sailkapena (3. 2001)
Saioa
2001-05-27 Oiartzun Jaialdia
Gai-emailea
Jauregi, Saroi
Zaldua, Ion
Bertsolariak / Egileak
Mendizabal, Mikel
Sorozabal, Jokin
Lana
Binaka gaia-emanda
Jarritako gaia
Jokin, aitona, tabakoa utzi nahian dabil. Gaur, Mendizabal biloba topatu du ezkutuan erretzen.

Deskribapena

Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2001-05-27 Oiartzun Jaialdia [Bertsoa] / Mikel Mendizabal, Jokin Sorozabal

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 


Mendizabal:
Aitona ta bilobak
arazo jakina:
tabakoarena da
arazo gordina.
Zuk hainbeste urtetan
erretzeko grina...
Azkenean biontzat
arazo berdina:
zuk utziezina eta
nik azalduezina.

Sorozabal:
Zu bezela hasi nitzan
ta hona iritsi.
Bidean ikusi det
hainbat gauza bitxi.
Izkutuan hasirik
nik ezin sinetsi
ta orain utzi gabe
berriz ezin etsi!
Utzi nahi nuke baina
halare ezin utzi!

Mendizabal:
Badakit aste hori
hain erreza dela.
Nik ere saltatu dut
nere erregela,
atariko murkoan
gordeta horrela,
paketea han daukat
ze tratu epela!
Ez nuke bukatu nahi
aitonak bezela.

Sorozabal:
Aitonaren barrua
ez dago txukuna!
Zaintzeko orain dezu
zuk eginkizuna.
Goguan det erretzen
ai nitzan eguna,
neri pasa zitzaidan
zui pasa zaizuna:
galtzian ikasten da
zer den osasuna.

Mendizabal:
Bainan diferentzi bat
badagola jakin,
zuk ere gazterikan
baitzenion ekin
zigarroa eginez
arto bizarrekin.
Nik Wistona dabilkit
eta Chester berdin,
zuk diru gabe eta
nik diruarekin.

Sorozabal:
Dirurik ez nuen nik,
halare probatu,
gazte guztien gisan
ni ere ausartu.
Orain damutu arren
ezin alboratu!
Zigarro bat edo bi
zuk ere probatu,
baina ez zaitzala inoiz
zu menpean hartu!

Datu-base honetan eskainitako informazioari buruz jakiteko, kontsultatu lege oharra