Bertsoak - Fitxa ikusi   Atal honi buruz gehiago jakiteko

2003-07-31 Altzo Jaialdia [Bertsoa] / Andoni Egaña, Maialen Lujanbio

Bertsoa entzun  

Informazio orokorra

Kategoria
Bat-batekoa
Saioa
2003-07-31 Altzo Jaialdia
Gai-jartzailea
Murua, Jexux
Olano, Manuel
Gai-emailea
Olano, Manuel
Bertsolariak / Egileak
Egaña, Andoni
Lujanbio, Maialen
Lana
Binaka gaia-emanda
Jarritako gaia
Kontu egizue zuek biok bikotekideak zaretela. Ohartu zineten zuen harremana ez zihoala ondo, krisialdi batean murgilduta zegoela. Hori dela eta, udako oporrak bakoitzak bere aldetik pasatzea erabaki zenuten. Oporraldia igaro eta oraintxe zaudete aurrez aurre berriro.

Deskribapena

Doinua
Agur sagar beltzeran
Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2003-07-31 Altzo Jaialdia [Bertsoa] / Andoni Egaña, Maialen Lujanbio

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 


M. Lujanbio:
Soluzioen bila
ekin eta ekin
ta ez ginan konformatzen
gu bakar batekin.
Haizea hartzen egon naiz
Pirineo erdin
zenbat irauten degun
nahi det orain jakin
hamabost eguneko
gasolinarekin.

A. Egaña:
Aspaldian nenbilen
Mejikon zelatan
haruntza joan nintzan
nere harro plantan.
Han berdintsu zitzaidan
Cancun edo kankan!
Hara apartatzeak
ze indarra daukan!:
lehen soberan zintudan
eta orain faltan.

M. Lujanbio:
Oporraldia izan
dezu egokia
juntatu gera eta
hau egun betia!
Aizu, nik sentitu det
ez da aitzakia
ikusi dedanean
zure bekokia
aspaldi sentitu ez nun
irripar ttikia.

A. Egaña:
Apartatu beharra
hori da tristea
konturatzeko zein zen
gure eskastea.
Denbora soil-soilik zen
gendun desgastea
beraz onena degu
oporrak uztea
ta gaxtetan bezela
?lanean' hastea.

M. Lujanbio:
Gaztetako garaiak
dituzu begitan
horra ezin gintezke
bueltatu egitan.
Berriz juntatu gera
pentsau gabe bitan
igual egongo gera
dosien premitan
hamabost eguneko
bolada txikitan.

A. Egaña:
Gutxitxo ote degun
bururatu di-da...
Zure maitasun hori
urritzen ari da.
Segi ?zagun lehengoan
berriz ere tira
elkarren ondoan ta
elkarri begira
ta oporrak berriz'e
iritsiko dira.

Datu-base honetan eskainitako informazioari buruz jakiteko, kontsultatu lege oharra