BDB Bertsolaritzaren datu-basea

Informazio orokorra

Kategoria

Bat-batekoa

Saioa

1998-05-03 Donostia Jaialdia

Gai-jartzailea

Garzia, Joxerra

Bertsolariak / Egileak

Lujanbio, Maialen

Mendiluze, Aitor

Lana

Binaka gaia-emanda

Jarritako gaia

Zarautz aldean komunitate edo lagunarte batek saiakera bat egin du garai batean bezala bizitzeko, hau da, dirua erabili ordez trukean ibili gauzak. Zuek zarete komunitate horretako bi kide. Esaiguzue orain artekoa zer moduz joan den.

Deskribapena

Doinua

Agur sagar beltzeran

Neurria / Estrofaren izena

Hamarreko txikia (hg) / Bost puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1998-05-03 Donostia Jaialdia [Bertsoa] / Maialen Lujanbio, Aitor Mendiluze

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

Mendiluze:
Dirurik gabe egin
degu guk jarduna,
trukea erabiliz
zuzen ta txukuna,
eta ni hortan behintzat
harritu laguna;
orain konprobatu det
lehen uste ez nuna:
zein erlatiboa den
aberastasuna.

Lujanbio:
Trukatzeko eman det
hiru arropa xahar
eta trukean hartu
zenbait jaki ear;
bizimodu honekin
nago txoratzear,
gauza bat ikasi det
egunotan zehar:
irauteko ez dala
gauza askorik behar.

Mendiluze:
Uko egin diogu
guk gauza askori,
bainan ezer ez zaio
faltatzen inori;
denok gaude gustora,
denok tripa lodi,
nik nahi dudanaren truk
nahi dezuna tori;
trukea eta giza-
legea da hori.

Lujanbio:
Badakit daukadala
osasun bikaina;
gorputzez sendo nago
jazkeraz apaina.
Aitor azken truke bat
tori, alajaina:
esku artean gauza
askoik ez det baina,
ilea baneukake
zuretzako aina.

Mendiluze:
Beraz berriz trukean
zera zu hasia,
baina izan liteke
truke berezia;
ematen dunak zerbait
ohi du merezia,
ilea da zuk eman
nahi dezun guzia,
trukean hartu ordun
ilegabezia.

Lujanbio:
Nere barrua daukat
zorionez bete;
gure bizimodu honek
du mila bertute;
jendeak hau ikasi
askoz hobe luke;
gure azken negozioa
egin behar genduke,
umorea salduaz
umorean truke.

Mendiluze:
Umorea umore truk
eta biak bapo,
lehenago ere halatsu
egon geralako.
Baina esperimentua
bukatu delako,
amari banoala
abisa beharko;
ba al dezu bost duro
telefonorako?