Bertsoak - Fitxa ikusi Atal honi buruz gehiago jakiteko
1997-05-03 Legazpi Jaialdia [Bertsoa] / Iñaki Murua, Jon Sarasua
Bertsoa entzun |
1997-05-03 Legazpi Jaialdia [Bertsoa] / Iñaki Murua, Jon Sarasua
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
J.Sarasua:
Kartzelan jaio nintzan
zorte txarra izanik,
eta laupabost urte
badauzkat jadanik.
Kartzelatik aparte
ez daukat zentzunik,
txoriak ere ez ditut
sekula entzunik;
liburtan bakarrik
ikusi ditut nik.
Murua:
Hori ekarri dizu
bizitzan joakoak,
txoririk ikusi ez
gure mutikoak!
Txori batzuk dituzte
luma ta mokoak,
baina ezin zabaldu
kanpora hegoak,
txiki ta polit dira
zeu bezelakoak.
J.Sarasua:
Nik det hori guztia
ezautu beharra,
baina zuk ezin pasa
kartzelako marra;
zaintzaileek ipintzen
dizute indarra;
ama zuretzat daukat
galdera bakarra:
mundua txarra al da
edo zu zea txarra?
Murua:
Mundua bizitzeko
nik izan dut zori,
baina euskaldun naizenez
zulora erori.
Zuri ere gaitz bera
nik nahi gabe, tori;
bihurtu zaitut seme
kartzelako txori;
euskaldun izateak
ekarri du hori.
J.Sarasua:
Beraz esan dezunez
gaiztoa ez zera,
baizik zintzo zabiltza
zure arabera.
Txikia naiz ta badet
nik nere aukera:
zulo txiki batetik
eingo naiz atera,
ta gero etorriko naiz
zu ateratzera.
Murua:
Ez da haurtxoa izan
arrazoi makala!
Preso egon beharra
biontzat tamala.
Ametsetan zabaldu
ezazu hegala;
esperantzaik ez galdu
haurtxo berehala,
noizbait txori libreak
izango gerala.
Datu-base honetan eskainitako informazioari buruz jakiteko, kontsultatu lege oharra