Bertsoak - Fitxa ikusi Atal honi buruz gehiago jakiteko
Basarriren mendeurrenean [Bertsoa] / Imanol Lazkano
Basarriren mendeurrenean [Bertsoa] / Imanol Lazkano
Neurria:
Zortziko handia (hg) / Lau puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Argia [Aldizkaria] Argitalpen data:
2014-01-19
Kokapena:
XDZ - Xenpelar Dokumentazio Zentroa
Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide egokian
bertsolaritza ez zen egongo
egun dagoen tokian.
Nahiz ta sekula ez zuen jantzi
sotanarik edo gonik
apaizak baino apaizago zen
harekin ez zegon bromik!
baina hala ere jaulki oi zuen
arrazoi ta bertso onik.
Gazteak asko ikasten zuen
hari entzuten egonik.
Bertsolaritik zerbait badaukat
Basarriri zor diot nik.
Uko egin gabe ordura arteko
zenbait usadio zaharri
bertsolaritzan arau berriak
zuk zenituen ezarri
argi eginez atzo, gaurko ta
biharko hainbat izarri.
Horregatikan goraipamenak
egiten zaizkizu sarri
eman diguzun guztiagatik
eskerrik asko Basarri!
Datu-base honetan eskainitako informazioari buruz jakiteko, kontsultatu lege oharra