Bertsoak - Fitxa ikusi   Atal honi buruz gehiago jakiteko

2017-11-04 Maule-Lextarre Txapelketa [Bertsoa] / Nerea Elustondo, Beñat Gaztelumendi

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (17. 2017)
Saioa
2017-11-04 Maule-Lextarre Txapelketa
Gai-jartzailea
Gai-jartzaile Taldea
Gai-emailea
Jauregi, Saroi
Bertsolariak / Egileak
Elustondo, Nerea
Gaztelumendi, Beñat
Lana
Binaka gaia-emanda
Jarritako gaia
Downen sindromea edo trisomia duen gazte baten gurasoak zarete. Gaur jakinarazi dizue lagunekin bizitzera doala. Beñat, Nereak esan dizu oso pozik dagoela.

Deskribapena

Doinua
Dozena bat bertso berri A
Neurria / Estrofaren izena
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2017-11-04 Maule-Lextarre Txapelketa [Bertsoa] / Nerea Elustondo, Beñat Gaztelumendi

Neurria:  Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip) 
Kokapena:  XDZ - Xenpelar Dokumentazio Zentroa 


B. Gaztelumendi:
Adinez denez nagusi
bere lagun eta guzi
bere burua etxetik kanpo
nahi luke ikusi
maitasuna erakutsi
diogu eta ez gutxi
joaten utzi nahi diot baina
ezin diot utzi. (bis)

N. Elustondo:
Dugu alaba abila
ta izan zaitez umila
bera laguntzen izango ditu
monitore pila.
Etxetik joan dadila
askatasunaren bila
biok dakigu bere burua
zaintzen badakila. (bis)

B. Gaztelumendi:
Nere barruko olatu
hau ezin det kontrolatu
monitoreek eman dituzte
makina bat datu
lasai liteke moldatu
ta dena nahi du aldatu
nola hazi den orain arte ez
nintzen konturatu. (bis)

N. Elustondo:
Barruan dezun dilema
neretzat ez da problema
eta zain nago noiz iritsiko
ote astelehena.
Ez zazula hartu pena
inuxente alaena!
Hark ote dauka zure beharra
ala zuk harena? (bis)

B. Gaztelumendi:
Malkoa eta marmarra
daukat nabarmen xamarra
bera ez baita hemen arazo
bat daukan bakarra
eta hara aita zaharra
tristura eta negarra
Nerea hemen denok daukagu
elkarren beharra. (bis)

N. Elustondo:
Arituak ika-mikan
sorpresa baten orbitan
soluziorik ba ote dago
gure kalapitan?
Euritan zein eguzkitan
beharrezko dan guztitan
nahi dezunero joango gara
harena bisitan. (bis)

Datu-base honetan eskainitako informazioari buruz jakiteko, kontsultatu lege oharra