Bertsoak - Fitxa ikusi   Atal honi buruz gehiago jakiteko

2018-12-01 Lekeitio Txapelketa [Bertsoa] / Arrate Illaro Etxebarria, Jone Uria Albizuri

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bizkaiko Bertsolari Txapelketa (17. 2018)
Saioa
2018-12-01 Lekeitio Txapelketa
Gai-emailea
Ugalde, Amaia
Bertsolariak / Egileak
Illaro Etxebarria, Arrate
Uria Albizuri, Jone
Lana
Binaka gaia-emanda
Jarritako gaia
Ahizpak zarie. Hotel bat eraiki gura dabiela-eta, zuen lur-sailak saltzeko eskaintza jaso duzue. Arrate, zuk aukera ona dala uste dozu. Jonek, barriz, ez dau lurrik saldu gura.

Deskribapena

Doinua
Menditarra naiz eta gogoan
Neurria / Estrofaren izena
Zortziko handia (hg) / Lau puntuko handia (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2018-12-01 Lekeitio Txapelketa [Bertsoa] / Arrate Illaro Etxebarria, Jone Uria Albizuri

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


A. Illaro
Daukagu horren lursail polita
zabala eta itzela
baina onartu ezazu Jone
guretzat karga bat dela
zuk ez baduzu saldu nahi ezetz
esango dugu bestela
baina orduan gure ondoan
jarriko dute hotela.

J. Uria
Jar dezatela gura badute
hamaika metro harago.
Ai, Lekeitio kanpoaldeko
gure pinu eta pago!
Gure lursaila ez dut saldu nahi
horretan seguru nago
eta hotel bat egitekotan
askoz ere gutxiago.

A. Illaro
Nahiz eta igual jasoko dugun
hogeita hamar ogerleko
nik ondo dakit Jone gaudela
aspalditik zorrez lepo
ta zertarako nahi dugu landa
hor ez badago ederto
expropiatuko digute igual
parking txar bat egiteko.

J. Uria
Parking bat egin lezaketela
euren nahietan balego
edo bestela hotel haundi bat
eta turistak bezero
zu horren ahul ikusterik nik
baina ez nuen espero
lursaila ezin digute kendu
guk borrokatu ezkero.

A. Illaro
Boteredunek haien eskutan
daukatenez erregela
beti asmatzen dute modua
ahizpa ez izan ergela.
Ez begiratu atzera eta
onartu zazu horrela:
Lekitxarrena baino gehiago
turisten herria dela.

J. Uria
Nahiz eta hala dela iruditu
niri ere aspaldian
turistak baino ez baitauzkagu
maiz herriko atarian
gerora noizbait amore eman
beharko dugu agian
baina ez dezagun amore eman
lehendabiziko aldian.

Datu-base honetan eskainitako informazioari buruz jakiteko, kontsultatu lege oharra