Bertsoak - Fitxa ikusi Atal honi buruz gehiago jakiteko
2018-12-01 Lekeitio Txapelketa [Bertsoa] / Arrate Illaro Etxebarria
| Bertsoa entzun |
2018-12-01 Lekeitio Txapelketa [Bertsoa] / Arrate Illaro Etxebarria
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Kalera irten naiz ilusioz
txapa txiki bat tarteko
pentsatu nuen bada garaia
egin dezaket ederto
ta belarriprest txapa ipini
nuen ilusioz lepo
ahobizi bat gurutzatu zait
badator baina hobeto
asmo txikiren bat baldin badu
niri zerbait esateko
izango al naiz gai esaten didan
guzti hori ulertzeko? (bis)
Euskaltegian hasi nintzen ta
nahiz izan une alaia
jende aurrean euskaraz ez naiz
sentitzen oso lasaia
baina urrats bat izatea zen
nik buruan nuen nahia
eta esan nuen Euskaraldian:
“hauxe da nire garaia”
ahobizi bat gurutzatuta
bete zait aditzen maila
aldi berean ezin du izan
konplize eta etsaia. (bis)
Bai, bai badator eta euskaraz
arin egingo dit tiro.
Ordua esan, zerbait galdetu
auskalo mila motibo
irakasleak hitz egiten dit
maitekiro-maitekiro
baina ezezagun batek sortzen dit
niri hainbeste bertigo
baina animo nahiko dut eta
ausardia behar zait igo
“euskara ikasten ari naiz eta
hitz egidazu astiro” (bis)
Datu-base honetan eskainitako informazioari buruz jakiteko, kontsultatu lege oharra