Bertsoak - Fitxa ikusi Atal honi buruz gehiago jakiteko
2018-07-07 Lesaka Jaialdia [Bertsoa] / Uxue Alberdi
Bertsoa entzun |
2018-07-07 Lesaka Jaialdia [Bertsoa] / Uxue Alberdi
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
U. Alberdi
Txerritxoari puskatu diot
gerria eta muturra
eskutan hartu, patrikan gorde
aurreztutako apurra
barraketara saltoka doa
zortzi urte dauzkan haurra
hiru lau buelta ta amaitu da
hau izango da gezurra!
Zein luzea den itxarotea
disfrutea zein laburra!
Iji ta aja dabiltza denak
barraketan ze nahastea!
Eta nik berriz mutur iluna
naiz festaren kontrastea
begitxoekin konbentzitu nahi
barraketako gaztea
baina esan dit “Alde hemendik
neska bihurri trastea
zuri adina kostatzen baitzait
dirua irabaztea”.
Ezpainak itxi, begiak jetxi
ta bertatikan aparte
gaurkoan behintzat ez naiz izango
haur zoriontsuen parte.
Kalean noa bakar-bakarrik
ez gogo ez borondate
aiba la letxe osaba-izebak
festa edarra dakarte!
Txispatu xamar ikusten ditut
paga emango didate.
Datu-base honetan eskainitako informazioari buruz jakiteko, kontsultatu lege oharra