Bertsoak - Fitxa ikusi Atal honi buruz gehiago jakiteko
2019-10-27 Azpeitia Txapelketa [Bertsoa] / Amaia Iturriotz Etxaniz
| Bertsoa entzun |
2019-10-27 Azpeitia Txapelketa [Bertsoa] / Amaia Iturriotz Etxaniz
Neurria:
Hamabiko berdina, 6 puntuz eta 8 silabaz (hg) / Sei puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Bertsolari ona naiz ni
mikroa edo papela
taberna zein gaztetxea
bertso-eskolako gela
urteak pasatu ditut
fama hartu dut horrela
baina dena aldatu zait
nola ba segi bestela?
Ahaztu da telebista
egunkaria bezela
sei hilabete baitira
plazatan ez nabilela. (bis)
Goxokitan oroitzen dut
fama horren iragana
kotxea hartzea eta
asteburutako plana
orain, ordea, beste bat
dut eguneroko lana
nere beharretan dago
txikia edo laztana
honek urrutiratzera
ezinbestean narama
ez baitakit nola izan
bertsolaria ta ama. (bis)
Orain titia eman ta
gero ohean naiz etzan
parkera joateko ere
aspaldi nago perezan
hau ez zen nik nahi nuena
badut aski kontraesan
eta ez naiz geldituko
deus ere egin gabe kexan
antolatuz jardungo naiz
molde berrien defentsan
hurrengo belaunaldiak
berdina bizi ez dezan. (bis)
Datu-base honetan eskainitako informazioari buruz jakiteko, kontsultatu lege oharra