Bertsoak - Fitxa ikusi   Atal honi buruz gehiago jakiteko

2019-10-02 Donostia Berezia [Bertsoa] / Maialen Lujanbio

Bertsoa entzun  

Informazio orokorra

Kategoria
Bat-batekoa
Saioa
2019-10-02 Donostia Berezia
Gai-jartzailea
Zubia, Felix
Bertsolariak / Egileak
Lujanbio, Maialen
Lana
Bakarka gaia-emanda
Jarritako gaia
Gaztetan denok izaten ditugu ametsak. Batzuek hurbilagokoak beste batzuek urrunagokoak. Zer ikasi duzu denbora horretan? Berrogei urteren bueltan zaudela, amets horietatik zer erakutsi dizu bizitzak?

Deskribapena

Doinua
Lurraren pean sar nindaiteke
Neurria / Estrofaren izena
Hamarreko handia (hg) / Bost puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2019-10-02 Donostia Berezia [Bertsoa] / Maialen Lujanbio

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

M. Lujanbio

Buruak mila neurona eta
bakoitzak amets bana du
gizarte honek gazte batentzat
mila gozo, mila amu
ta hainbat hesi saltatzekoak
hainbat arrisku ta mamu.
Ni bertsolari hala egin naiz
eta noski ez dut damu
baina ez nintzen akaso izango
hala amestu izan banu. (bis)


Gu bertsolari zaharragoek
hezi izandu gaituzte
ez dira Nobel, txapeldun dira
edota kide ilustre.
Ai bapateko hitz bilaketak
zenbat min ta buruhauste!
Baina bidean ikasten bada
ikasi pausoen truke
beti ikasteko prest egon eta
badakizunik ez uste. (bis)


Ze sorkuntza da bilaketa bat
amaierarik ez duna
beti hobetu ta beti findu
daiteke zure jarduna
ukazioa legetzat hartuz
hor dabil gure garuna
zeren helburu bat bazeneuka
han ortzemugan urruna
hura ukitzera heltzen bazara
bilakatzen da lurruna. (bis)

Datu-base honetan eskainitako informazioari buruz jakiteko, kontsultatu lege oharra