Bertsos - View details   To know more about this section

2019-10-02 Donostia Berezia [Bertsoa] / Maialen Lujanbio

Bertsoa entzun  

General information

Kategoria
Bat-batekoa
Performance
2019-10-02 Donostia Berezia
Conductor
Zubia, Felix
Bertsolaris / Authors
Lujanbio, Maialen
Exercise
Bakarka gaia-emanda
Proposed topic
Gaztetan denok izaten ditugu ametsak. Batzuek hurbilagokoak beste batzuek urrunagokoak. Zer ikasi duzu denbora horretan? Berrogei urteren bueltan zaudela, amets horietatik zer erakutsi dizu bizitzak?

Description

Melody
Lurraren pean sar nindaiteke
Stanza name
Hamarreko handia (hg) / Bost puntuko handia (ip)
Bertso kopurua
3

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

2019-10-02 Donostia Berezia [Bertsoa] / Maialen Lujanbio

Stanza name:  Hamarreko handia (hg) / Bost puntuko handia (ip) 
Localization:  XDZ - Xenpelar Dokumentazio Zentroa 

M. Lujanbio

Buruak mila neurona eta
bakoitzak amets bana du
gizarte honek gazte batentzat
mila gozo, mila amu
ta hainbat hesi saltatzekoak
hainbat arrisku ta mamu.
Ni bertsolari hala egin naiz
eta noski ez dut damu
baina ez nintzen akaso izango
hala amestu izan banu. (bis)


Gu bertsolari zaharragoek
hezi izandu gaituzte
ez dira Nobel, txapeldun dira
edota kide ilustre.
Ai bapateko hitz bilaketak
zenbat min ta buruhauste!
Baina bidean ikasten bada
ikasi pausoen truke
beti ikasteko prest egon eta
badakizunik ez uste. (bis)


Ze sorkuntza da bilaketa bat
amaierarik ez duna
beti hobetu ta beti findu
daiteke zure jarduna
ukazioa legetzat hartuz
hor dabil gure garuna
zeren helburu bat bazeneuka
han ortzemugan urruna
hura ukitzera heltzen bazara
bilakatzen da lurruna. (bis)