Bertsoak - Fitxa ikusi Atal honi buruz gehiago jakiteko
2020-09-25 Lazkao Berezia [Bertsoa] / Oihana Iguaran, Maialen Lujanbio
| Bertsoa entzun |
2020-09-25 Lazkao Berezia [Bertsoa] / Oihana Iguaran, Maialen Lujanbio
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
M. Lujanbio
Pandemia du izena
galarazi digu sena
eta funtzioz aldatu zaigu
gure zentzumena
ezinegona ta pena
orain ikara da dena
eta begiek esaten dute
esan ezin dena. (bis)
O. Iguaran
Ta betaurreko tristetan
lurrun pila bat bistetan
tik bat duenak berriz problema
latza aldiz bertan
bekaitz beztuen pistetan
edota begi klisketan
inoizko ozenen ari zaizkigu
begiak hizketan. (bis)
M. Lujanbio
Ze diskurtso da zilegi
entenditzea zailegi
geure bizitza bihurtu zaigu
geure amildegi
komunikabideak segi
kontatzen mila miseri
ezer garbirik aditzekotan
zarata gehiegi. (bis)
O. Iguaran
Gezurra bada nagusi
ezin da garbi ikusi
ta belarriek musukoaz gain
hainbeste igurtzi
lehen betaurrekoak utzi
belarritakoz ez gutxi
utzi diegun karga guztia
ezin dute eutsi.
M. Lujanbio
Mila agindu azaldu
ez ulertuta igual du
ez umeentzat, ez zaharrentzat
ezer ez da malgu
milioika musuko saldu
ta bolumenak apaldu
baina ahoak tapatu arren
ahotsik ez galdu. (bis)
O. Iguaran
Ta musukoaren traba
lehen agindu bat zen hara
ohartzen nago pizti bezatu
hutsak egin gara
ozena balitz algara
musuko tela zer da ba?
Arriskutsuen daukagun mozal
sinbolikoa da. (bis)
Datu-base honetan eskainitako informazioari buruz jakiteko, kontsultatu lege oharra