BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Plaza Biziberritzen (2021)

Saioa

2021-02-26 Amasa-Villabona Berezia

Gai-jartzailea

Artola, Imanol "Felix"

Bertsolariak / Egileak

Iguaran, Oihana

Lana

Bakarka gaia-emanda

Jarritako gaia

Uhin batzuk ez dira gure belarrietara heltzen. Isiltasuna deitzen diogu horri. Isiltasuna; zeinen gauza deserosoa egoera batzuetan; zeinen gozagarria, aldiz, besteetan.

Deskribapena

Doinua

Nahiz zoriontsu oroitzen dedan

Neurria / Estrofaren izena

Hamabiko handia (hg) / Sei puntuko handia (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2021-02-26 Amasa-Villabona Berezia [Bertsoa] / Oihana Iguaran

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Audioren bat espero nuen
ta isiltasuna dana
ta nik hala´re ia entzun det
aiene baten aztarna
ze soinu batzuk geratzen dira
gure gorputzean barna
eragiteko oroitzapenak
oinazea edo xarma.
Nik negar hotsa entzuten nuen
egin naizenetik ama
isiltasuna baita oraintxe
gehien eskertzen dedana. (bis)

Baina isiltasun hori sartzean
bi pertsonaren baitara
esan gabeko galderak dabiltz
begiratuz begitara.
Deserosoa da isiltasuna
eragiten du dardara
batzun ahotsak ez dira heltzen
gure belarrietara
Ametsek zion olatuena
adibide bat da hara:
isiltasuna ona da soilik
hautatua baldin bada. (bis)

Esan gabeko ta esan ezin den
horrekin nola amaitu?
Nola itotzen den irtetean
bide gabe mila aipu
hobe bidea zabaldu eta
uhin hoiekin gu blaitu
ahots gabeko horien hitzak
oraindik indarra baitu
isiltasunak uhinak dauzka
nahiz ez gorputzek jarraitu
esan ezin den horren uhinak
gogorren kolpatzen gaitu. (bis)