Bertsoak - Fitxa ikusi Atal honi buruz gehiago jakiteko
2021-08-14 Aduna Jaialdia [Bertsoa] / Aitor Sarriegi
Bertsoa entzun |
2021-08-14 Aduna Jaialdia [Bertsoa] / Aitor Sarriegi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I. Artola
Irakasle bizitza
bai bizitza ona!
A. Sarriegi
Hori da jende askok
kalean diona
baina egunerokoa
gero ez da broma
probatu nahi duena
etor bedi hona.
I. Artola
Urteak pasa ahala
biguntzen hasita
A. Sarriegi
gure ikasleek ditek
garbi ikusita
baina zein izan nintzen
ez diat ahantzita
ta badaezpada betoz
ondo ikasita.
I. Artola
Eta hi zer moduzko
ikaslea hintzen?
A. Sarriegi
Ni saiatzen ninduan
ederki bizitzen
ikasteko orduak
ahal zela gutxitzen
gutxi eginda ere
beti gehiegi zen.
I. Artola
Oaindik beste 20 urte
erretirorako
A. Sarriegi
eta ahal dan ondoen
pasatu beharko
baina legea baietz
aldatu ordurako
ta ezin diagu jakin
zer degun biharko.
Datu-base honetan eskainitako informazioari buruz jakiteko, kontsultatu lege oharra