Bertsoak - Fitxa ikusi Atal honi buruz gehiago jakiteko
2022-12-18 Iruñea Txapelketa 17:00 [Bertsoa] / Amets Arzallus, Sustrai Colina
| Bertsoa entzun |
2022-12-18 Iruñea Txapelketa 17:00 [Bertsoa] / Amets Arzallus, Sustrai Colina
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
S. Colina
Arazo bat duzu ta
ez gara ohartu
nahiz errua nerea
dudala onartu
konponbidera behar
genuke ausartu
nahiz gaur arte amaren
karrilean sartu
orain aitaren antzik
ez’zazula hartu. (bis)
A. Arzallus
Ene aita, guztiak
garenez pertsonak
lehen maitasun harreman
eta lehen hormonak
ezagutzen ari naiz
horren zorionak.
Ze inporta du euskarak
ta zientzien dogmak?
Beste gauza batzutan
dauzkat nota onak. (bis)
S. Colina
Beraz eman diozu
tortillari buelta
eta bizitzan barna
zabiltza zer gerta
seme, maitematikak
bazauzka alerta
orain hasten da zure
sexu heziketa
hau da gainditu behar den
ebaluaketa. (bis)
A. Arzallus
Aita, maitematikak
ez ekar gogora
nik nahiago dut Patxi
ta Maiteren lora
genero guztiekin
egin dut aproba
horretantxe pasatu
behar dut denbora
eskola gero ere
hortxe egongo da. (bis)
S. Colina
Nahiz ta lehenengo Patxi
gogoz seduzitu
eta gero Aneren
ondoan luzitu
seme, ahal baldin bada
ikasten segitu
baina lehenengo zure
burua aurkitu
arazoak dauzkanak
soluzioak ditu. (bis)
A. Arzallus
Noski badituela
hori ez zait ahazten
eta dena ari naiz
hortik irabazten
harremanik ez baitit
inork galerazten
zure bideei segi
aita, ni ez naiz hasten
ahalegindu zaitez zu
nigandik ikasten. (bis)
Datu-base honetan eskainitako informazioari buruz jakiteko, kontsultatu lege oharra