Bertsoak - Fitxa ikusi Atal honi buruz gehiago jakiteko
2022-02-06 Etxarri-Aranatz Jaialdia [Bertsoa] / Oihana Iguaran, Eneko Lazkoz, Alaia Martin, Aitor Sarriegi, Julio Soto
| Bertsoa entzun |
2022-02-06 Etxarri-Aranatz Jaialdia [Bertsoa] / Oihana Iguaran, Eneko Lazkoz, Alaia Martin, Aitor Sarriegi, Julio Soto
Neurria:
Zortzikoa, handiaren moldekoa, 4 puntuz (hg) / Lau puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
A. Sarriegi
Orain bi urte izan zen
xaguzaharrarentzako
iazko urtean ere
gu gozamenetik kanpo
nik hartzarena hartuko nuke
zergatik ta zertarako?
Lotatik jaiki eta bizitzen
hasi behar degulako.
A. Martin
Bi ahate izan litezke
bi zenbakien ordena
tigre jauzi bat ez behintzat
erortzea baita kondena
kameleoia izan liteke
mingainez eusteko dena
egokitzea izango baita
aurten inportanteena.
E. Lazkoz
Aurretik pasa duguna
ez da izan ez gozoa
datorrena izan dadin
ederra ta erosoa
ze animali hautatu, ta nik
ideia bat kuriosoa
xaguxarrik ez baldin badago
Noeren arka osoa.
O. Iguaran
Azal mudan den suge bat
lurra igurtziaz iaio
marmota udaberrian
edo altan den papagaio
tximeleta bat hegan abian
harrari esana aio!
Edo Fenix bat behar da aurten
ta errautsetatik jaio.
J. Soto
Erreforma Laborala
onartu da azken baten
Ukranian zer pasatzen den
ez da errez antzematen
ta gu bozaldun zakur mutuak
irrifar bat eramaten
aurtengoa’re pasako dugu
zerriei bazka ematen.
Datu-base honetan eskainitako informazioari buruz jakiteko, kontsultatu lege oharra