BDB Bertsolaritzaren datu-basea

Informazio orokorra

Kategoria

Bat-batekoa

Saioa

2025-08-30 Hondarribia Jaialdia

Gai-jartzailea

Aizpurua, Karlos

Bertsolariak / Egileak

Uria Albizuri, Jone

Lana

Bakarka gaia-emanda

Jarritako gaia

Hondarribiko festetara ere iritsi zara. San Pedro kaleko bide bazterrean jarri zara, zure tapiza edo manta zabaldu, eta poliki-poliki kamisetak, plaierak eta abarrak bertan kokatzen zabiltza. Baina aldi berean, eskuin, ezker eta urrunera begiratzen duzu, so urduri batez.

Deskribapena

Doinua

ETAren su-etenetik

Neurria / Estrofaren izena

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2025-08-30 Hondarribia Jaialdia [Bertsoa] / Jone Uria Albizuri

Neurria:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Kokapena:  XDZ - Xenpelar Dokumentazio Zentroa 

---

Kontinenteen artean
noizbait egin zen aldea
niri tokatu zitzaidan
lastoaren galbahea
gero honaino etorri
ta hemen bazen sarea
kalean horrela saltzen
ibiltzen gara taldea
dena zabaldu eta prest
parean daukat kalea
ta hemen nago eskuin, ezker
behera eta gora beha
polizi asko baitago
uniformerik gabea. (bis)

Lehen ere jaso dugu
herritan zenbait jazarpen
jendea poliziari
hau eta beste esaten
lanak egin behar ditut
nonbaiten onar nazaten
ta Hondarribira ere
iritsi halako baten.
Herri honez entzun nuen
ez dakit zenbat azalpen
ze itxura polit eta
ederra izan dezakeen
ta klaro, gu postal baten
ez dugu ondo ematen! (bis)

Horrela ibiltzen gara
han, hara eta hona buelta
egun gogorren bat eta
ederren batzuk tarteka
hala ere egin behar
inguruan azterketa
nork egin digun kalte
zeinek bakarrik iseka
ta gaur Hondarribikoa
ez da izan lasterketa
hala ere pozik noa
etxera erdi aseta
saldu baititut bi jertse
ta Nikoren kamiseta*. (bis)


*Niko Williamsi buruz aritu dira arestiko bertsoaldi batean.