BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-12-16 Donostia Txapelketa 16:30

Gai-emailea

Mandaluniz, Bernardo

Bertsolariak / Egileak

Colina, Sustrai

Lana

Bakarka gaia-emanda kartzelako-lana

Jarritako gaia

Aturritik Ebrora herri bat badela Belodromoa izan liteke lekuko. Urte asko daramatzazu zuk nahi baino tristura gehiago ikusiz. Zure ondorengoentzat beste zerbait nahi zenuke. Hiru bertso, nahi duzun neurri eta doinuan.

Deskribapena

Doinua

Leiho ertzetik entzun dezaket

Neurria / Estrofaren izena

Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-12-16 Donostia Txapelketa 16:30 [Bertsoa] / Sustrai Colina

Neurria:  Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Urterik urte aurrera goaz,
hautsi dugu zenbait kate,
nahiz ta ondotik kritika egiten
dauden mila atorrante.
Oraindik ere bizirik gaude
ta ez zaigu inporta bate.
Batzuk nahiz dauden aparte,
segi borrokan jo ta ke! (bis)
Garenak gara, izaten segi,
izan mesede zein kalte,
orain daukagun gorroto hori
maitasun bihurtu arte. (bis)

Gure egoera nahiz ta batzutan
izan litekeen gordina,
etorkizuna begiratzea
ez ote da atsegina?
Gure barruan berpiztuz doa
borrokako dugun grina;
egin daigun ahalegina
bazterrera utziz mina. (bis)
Ta irriparra bihurtuko da
orain arteko samina,
sentimentuak gainditzen badu
politikoen ezina. (bis)


Momentu hontan nahiz nagusi den
malkoa eta orbaina,
gure ahalegina izan liteke
etorkizunan ordaina.
Bizirik gaude eta aurrera
segi daigun alajaina!
Hartuko diegu gaina,
baikara herri bikaina. (bis)
Ahaztu dezagun zurikeria,
ez da hain erreza baina,
Euskal Herriak gozatu dezan
gure ondorengoek aina. (bis)