BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-11-03 Lesaka Txapelketa

Gai-emailea

Taberna, Mikel

Bertsolariak / Egileak

Silveira, Xabier

Lana

Bakarka gaia-emanda kartzelako-lana

Jarritako gaia

Kristorenak eta bi pasatuta, patera zahar batean iritsi zinen amesten zenuen lurraldera. Ailegatu eta segituan atxilotu zintuzten. Orain, hegazkin dotore batean sartu eta berriz ere zure lurraldera eramanen zaituzte.

Deskribapena

Doinua

Txikitatikan edukia dut

Neurria / Estrofaren izena

Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-11-03 Lesaka Txapelketa [Bertsoa] / Xabier Silveira

Neurria:  Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Gose artean, negar artean
ezin da bizi oparo,
eta ametsak jartzen dituzu
dauden baina haratago.
Abiatuta hementxe nago
zoritxarraren esklabo;
sentitzen naiz hain arraro;
askatasunean ez nago.
Nere ametsak ez al dirudi
amesgaiztoa gehiago?
Guk azal beltza baina hauek bihotza
ez al daukate beltzago? (bis)

Han utzi nuen ene sendia,
ene bihotzeko laguna;
neskalaguna zena lehenago
orain erdi alarguna.
Sufritze hauek gainera ez dute
behar duten oihartzuna;
jendearen erantzuna,
gaiztoa eta iluna.
Askatasuna, askatasuna
zen guk amesten genduna,
eta gaur ez dut kezka bat baizik:
hau al da askatasuna?
ta orain ez dut kezka bat baizik:
hau al da askatasuna? (bis)

Senegaletik iparralderantz
abiatua astiro,
eguzkia bai baina han behean
ez geneukalako giro.
Erran bezela bertzerik ez da
gose, malko eta tiro;
ni nintzen horren testigo,
ta izango naiz berriro.
Hegazkinean nahiz sartu naizen,
ez ninteke horra igo;
nahiz eta hara eraman orain,
itzuliko naiz seguro. (bis)