Bertsoak - Fitxa ikusi Atal honi buruz gehiago jakiteko
2001-11-18 Markina-Xemein Txapelketa [Bertsoa] / Unai Agirre Goia, Aritz Lopategi
Bertsoa entzun |
2001-11-18 Markina-Xemein Txapelketa [Bertsoa] / Unai Agirre Goia, Aritz Lopategi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Lopategi:
Bainak eguerdirako
platera beteta
ta gauerako ere bai,
niretzat gordeta.
Hara zergatik nagon
amatxo erreta:
niretzat beti bainak
ta aitari txuleta. (bis)
U. Agirre:
Aitak gogor lanari
nola ohi dion ekin,
ezin det konparatu
nik hura zurekin.
Orain jango dituzu,
ondo dakit jakin,
edo bihar goizian
kafesnearekin. (bis)
A. Lopategi:
Amatxo, badaukazu
nahikoa jenio,
ta jan beharko ditut,
zer erremedio!
Baina ez nauzu elikatzen
zuk oso serio;
Unaik bere haurrari
pizza ekartzen dio! (bis)
U. Agirre:
Unaiek eiten duna
nik ez det jasango,
hori ona danikan
ez dizut esango;
gainera gehio pagaik
ez dezu izango,
ta ez dezu kalean
txutxeririk jango! (bis)
A. Lopategi:
Baina ta aza jaten
ekin eta ekin;
garbantzu zein lentejak
ere bardin-bardin.
Noiz jarriko didazun
nahiko nuke jakin,
hanburgesa patata
frijidu batzukin? (bis)
U. Agirre:
Ume zahar honek sortu
dit mila endredo!
Hanburgesa, patatak
orain bero-bero,
seitun ateratzerik
ez zazu espero,
baina izango dituzu
bainak jan ta gero. (bis)
A. Lopategi:
Aguantatu behar
zure azterketa
eta hementxe nago
bainakin beteta.
Nola ez dizut egingo
hainbat berriketa,
ikastolan be hobeto
jaten dugu-eta! (bis)
U. Agirre:
Ikastolan ez dute
inoiz jaten bapo,
txerrikeria pranko
ta ez daude plako.
Honekin errietan
segitu beharko;
alkatxofa patatak
dauzkagu biharko. (bis)
Datu-base honetan eskainitako informazioari buruz jakiteko, kontsultatu lege oharra