Bertsoak - Fitxa ikusi Atal honi buruz gehiago jakiteko
2001-11-24 Azpeitia Txapelketa [Bertsoa] / Sustrai Colina, Arkaitz Goikoetxea
| Bertsoa entzun |
2001-11-24 Azpeitia Txapelketa [Bertsoa] / Sustrai Colina, Arkaitz Goikoetxea
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Colina:
Haunditzen juana naiz
urteetan zehar,
bakarrik ibiltzeko
badut nahiko indar.
Gera zaite etxean
ta ez egin negar;
barkatu, baina ez dut
bizkarzainik behar. (bis)
A. Goikoetxea:
Alaba apaintzen da,
gainera nabarmen;
zeozer arraroa
pasatzen da hemen.
Gainera aztoratu
hau esan ondoren;
zuk ze behar daukazun
nik dakit ondoen! (bis)
Colina:
Hori horrela denik
zergatik izkuta?
Hementxe utzi nauzu
barrena histuta,
baina etxean hobe,
ez nezake uka,
zuk gure aita zaintzen
nahiko lan duzu-ta! (bis)
A. Goikoetxea:
Aita dela-ta ez egin
alaba marmarrik,
hura geratuko da
etxean bakarrik.
Gauetan ez baduzu
egiten deus txarrik,
amagatik ez duzu
beldurtu beharrik. (bis)
Colina:
Ez dut oso gustoko
zure enkantua,
ta adarra jotzeko
ez da momentua.
Parrandan izaten da
atarramentua;
ez naiz txintxo ibiltzen,
hori da kontua! (bis)
A. Goikoetxea:
Horrelako zeozer
baneukan gogoan,
horregatikan nahi du
bakarrikan joan.
Txintxo ez bada ibiltzen
ateratakoan,
ibili beharko du
amaren ondoan! (bis)
Colina:
Ama potxola honek
nun dauka zentzuna?
Bere arrazoi hori
askotan entzuna.
"Egon zaite etxean"
nere erantzuna,
ta kontatuko dizut
entzun nahi duzuna. (bis)
A. Goikoetxea:
Alabak ez du horren
gauz gutxi ikasi,
badaki nora joan
eta nondik hasi.
Eztabaidak ez digu
gehiago merezi;
nahi duzu baina ez zera
juango ihesi! (bis)
Datu-base honetan eskainitako informazioari buruz jakiteko, kontsultatu lege oharra