Bertsoak - Fitxa ikusi Atal honi buruz gehiago jakiteko
2001-12-02 Tolosa Txapelketa [Bertsoa] / Igor Elortza, Nerea Elustondo
| Bertsoa entzun |
2001-12-02 Tolosa Txapelketa [Bertsoa] / Igor Elortza, Nerea Elustondo
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I. Elortza:
Jentelmana naiz eta
lehenengo neska,
Elustondo:
entierroakin hasi
dadin gure festa;
I. Elortza:
egin zazu salto ta
ez egin protesta,
Elustondo:
sokak eutsiko didan
da nik dudan kezka.
Elustondo:
Hemen goian badaukat
bertigo galanta!
I. Elortza:
Nik hartzen dizut bada
sanoaren planta;
Elustondo:
behera joan nahi nuke
eta harrapaka;
I. Elortza:
benga, ein zazu salto,
zubi txikia da-ta!
I. Elortza:
Zuk aproba egin ta
ni joango naiz gero,
Elustondo:
zuloa egiterik
ez zazu espero;
I. Elortza:
agian sokak dauka
etenen bat edo,
Elustondo:
konprobatzeko orduan
nabil oso bero.
Elustondo:
Sokak igual etena
badauka berekin,
I. Elortza:
baina zuk lasai-lasai
jauziari ekin.
Elustondo:
Hemendik botata nun
azaldu ez jakin;
I. Elortza:
nik ez dut minik zure
kolpe sikuakin.
I. Elortza:
Agian onena da
erretiratzea,
Elustondo:
honaino etorri ta
nolako trantzea!
I. Elortza:
Hobe genuen dena
lehendik pentsatzea,
Elustondo:
edo parakaidas
on bat ekartzea.
Elustondo:
Igor zu bota zaitez
itxarongo det-ta,
I. Elortza:
ez naiz ni bihurtuko
zure marioneta;
Elustondo:
begiratu ezazu
horko furgoneta,
I. Elortza:
lehen ere aspertua
nago ni kolpeka!
I. Elortza:
Furgonetan sartzea
agian onena,
Elustondo:
horrela joateko
munduan barrena.
I. Elortza:
Ez naiz ausartu baina
hori ez da problema,
Elustondo:
baina sokekin degu
halako dilema.
Elustondo:
Furgoneta sartzeko
utz dezagun soka,
I. Elortza:
hemen nago ni ere
zugaz loka-loka.
Elustondo:
Keba, zu zaude bota
edota ez bota,
I. Elortza:
goazen etxera baina
inori ez konta.
Datu-base honetan eskainitako informazioari buruz jakiteko, kontsultatu lege oharra