BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (13. 2001)

Saioa

2001-12-16 Donostia Txapelketa 11:00

Gai-emailea

Jauregi, Saroi

Bertsolariak / Egileak

Lujanbio, Maialen

Maia, Jon

Lana

Binaka gaia-emanda

Jarritako gaia

Zuk, Maialen, asteburuan diskotekan mutil batekin dantzan aritu ondoren, zeharo lotsatuta bukatu zenuen. Zure dantza maila hobetzeko asmoz, dantza akademiara joatea erabaki duzu. Han, atea ireki eta Jon, igandeko mutil bera, irakasle. Launa bertso, zortziko txikian, Maialen hasita.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-12-16 Donostia Txapelketa 11:00 [Bertsoa] / Maialen Lujanbio, Jon Maia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Lujanbio:
Kontxo, a ze sorpresa
mutiko gailena!
Gogoratu zait zure
anuntzioarena.
Zu al zera munduko
irakasle onena,
pasodoblea hiruko
egiten zuena? (bis)

Maia:
Ni naiz mutiko hori,
har zazu kontura;
nik han ikusi nizun
zeneukan ardura;
zu zera neska hori,
a ze abentura,
pasodoblea erdi
bihurtu zun hura! (bis)

Lujanbio:
Oraindik naiz zurekin
dantzatu desiran,
hankapalon bat edo
ia komeni dan...
Mejikanetan ere
jiran eta biran,
belaunarekin tripan
ematen zenidan. (bis)

Maia:
Nik honi ezin diot
ezer erakutsi,
baina etorri da ta
hori ez da gutxi.
Lehenengo aholkua:
indarrakin eutsi,
lepotik heldu eta
hankak libre utzi. (bis)

Lujanbio:
Gero nahi nuen euskal
dantzak dantzatzea,
besoak gora jaso,
buruan haizea.
Hanka haundi hoiekin
normal nekatzea,
kosta behar zaizu hanka
puntetan jartzea! (bis)

Maia:
Ez zen mejikanarik,
ez pasodobleka,
euskal musika ere
ez zegon uneka.
Musikaz ezer ere
ez dakizu neska,
han soilik bakailaua
entzuten zen-eta. (bis)

Lujanbio:
Baina nik nahiko nuke
musika hura ken,
bakailauak ez baitzun
nahi aina iraupen.
Nola mirari haundirik
ein ez genezakeen,
ia ikasten degun
kalejiran joaten. (bis)

Maia:
Kalejirakin egin
liteke balantza;
nik orain hartzen dizut
ahateen antza.
Partikularretara
zatoz etxerantza,
nik ondoen etzanda
egiten det dantza. (bis)