Bertsoak - Fitxa ikusi Atal honi buruz gehiago jakiteko
2001-12-16 Donostia Txapelketa 11:00 [Bertsoa] / Unai Iturriaga
Bertsoa entzun |
2001-12-16 Donostia Txapelketa 11:00 [Bertsoa] / Unai Iturriaga
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
S. Jauregi:
Geroak sortzen digu
makina bat kezka!
Iturriaga:
Hori nire ustetan
normala da neska;
zer datorren ez jakin
eta ezin presta,
gainera kezka hori
gaur egungoa ez da.
S. Jauregi:
Zer eskatzen diozu
etorkizunari,
Iturriaga:
aske eta librea
bihurtzea Euskadi;
elkarlanari lotu
ta eutsi lanari,
nor garen jakin beza
mundu denak garbi.
S. Jauregi:
Norberak nahi duena
lortu ahal baleza...
Iturriaga:
Hori da euskaldunok
daukagun amesa,
badakigu gainera
ez dala erreza
ta ez dela lagun ona
holakotan presa.
S. Jauregi:
Baina arriskatzeak
ez al du merezi?
Iturriaga:
Koldarrak joaten dira
bakarrik ihesi;
merezi dun jentea
behar da berezi,
guztieri entzun ta
hortatik ikasi.
Datu-base honetan eskainitako informazioari buruz jakiteko, kontsultatu lege oharra