Bertsoak - Fitxa ikusi   Atal honi buruz gehiago jakiteko

2001-10-27 Legazpi Txapelketa [Bertsoa] / Iñaki Murua

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (13. 2001)
Saioa
2001-10-27 Legazpi Txapelketa
Gai-emailea
Jauregi, Saroi
Bertsolariak / Egileak
Murua, Iñaki
Lana
Bakarka gaia-emanda kartzelako-lana
Jarritako gaia
Egunero entzuten ditugu gerra albisteak. Oraingoan gainera gerra humanitarioa omen da. Misilak eta janaria botatzen dituzte Afganistanen. Hiru bertso nahi duzun neurri eta doinuan.

Deskribapena

Doinua
Mutil koxkor bat itsuaurreko
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2001-10-27 Legazpi Txapelketa [Bertsoa] / Iñaki Murua

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Amerikarrek beren barruan
ze lotsa gutxi daukaten!
Gizarte-gerra omen dala hau
ari zaigu ba esaten;
lehendabiziko misil ta bonbaz
herriak hautsi ta eten,
eta ondoren hegazkinetik
jana nahikua ematen;
ta tontoenak ere badaki:
hildakoak ez du jaten. (bis)

Hor ari dira dolar apurrak
gerra egiteko biltzen;
hor ari dira herri xumeak
behin betirako isiltzen;
hor ari dira apal ziranak
geroz gehiago umiltzen;
hor ari dira bonba erraldoi
kaltegarriak amiltzen;
hor ari dira gerra zikinaz
errugabeak garbitzen. (bis)

Kapaz dira hoiek mundu osoa
txikitu eta jateko!
Euki nahi dute planeta dena
Amerikaren menpeko.
Horri diodan gorrotoa nik
ez dut luzaro gordeko;
batu gaitezen ta kontra egin,
ez ote degu hobeko?
Txiki geranak elkar gaitezen
haundiai kontra egiteko! (bis)

Datu-base honetan eskainitako informazioari buruz jakiteko, kontsultatu lege oharra