Bertsoak - Fitxa ikusi   Atal honi buruz gehiago jakiteko

2001-12-02 Tolosa Txapelketa [Bertsoa] / Arkaitz Goikoetxea

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (13. 2001)
Saioa
2001-12-02 Tolosa Txapelketa
Gai-emailea
Jauregi, Saroi
Bertsolariak / Egileak
Goikoetxea, Arkaitz
Lana
Bakarka gaia-emanda kartzelako-lana
Jarritako gaia
Zientziak aurkikuntza garrantzitsuak egin ditu azkenaldian. Hemendik aurrera posible izango omen da bizitzaren iraupena luzatzea. Hiru bertso nahi duzun neurri eta doinuan.

Deskribapena

Doinua
Itsaso hori dago zatarra
Neurria / Estrofaren izena
Neurri berezikoak

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2001-12-02 Tolosa Txapelketa [Bertsoa] / Arkaitz Goikoetxea

Neurria:  Neurri berezikoak 
Kokapena:  XDZ - Xenpelar Dokumentazio Zentroa 


Alai ote da, ote da hitsa,
bizi izatea gure ekintza;
zenbait lekutan egoera da
tristea eta murritza. (bis)
Dirua dugu baldintza,
horixe omen da giltza
eta halaxe gabiltza.
Nahiago nuke horren partetik
beste berri bat balitza,
inoiz bukatzen ez dena ere
ezin da izan bizitza! (bis)


Berrikuntzetan hainbeste mota
begien bistan hortxe dago-ta,
ikusi berriz zientzilariek
aurkeztu diguten sorta! (bis)
Hori zen beren borroka,
hori zen beren erronka,
garaipen edo porrota.
Ez dut esaten bizitza dela
erabili eta bota,
baina zergatik joan behar dugu
beti naturaren kontra? (bis)


Garaipen bat da sarri akatsa
berri on bat da maiz berri latza;
ibilbideak izan behar du
nunbaitetikan mudantza. (bis)
Mundu zahar honen balantza
etorri da guganantza,
ta egiten dut zalantza:
ikerketetan ez al da behar
noizbaite aldatu martxa?
Luza dezagun goseak hiltzen
dauden hoien esperantza. (bis)

Datu-base honetan eskainitako informazioari buruz jakiteko, kontsultatu lege oharra