Bertsoak - Fitxa ikusi Atal honi buruz gehiago jakiteko
1986-03-16 Bilbo Txapelketa 11:30 [Bertsoa] / Jose Luis Gorrotxategi, Imanol Lazkano
1986-03-16 Bilbo Txapelketa 11:30 [Bertsoa] / Jose Luis Gorrotxategi, Imanol Lazkano
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Lazkano
Besteak beste jaunak hauxen da
komeri negargarria,
ta jakin zazu mixeri baten
larri nagola jarria,
maite badezu lagun urkoa
era maite baserria,
nere etxeai egin zaiozu
laister teilatu berria.
Gorrotxategi
Zure etxe horrekin Lazkano
orain hainbeste komeri,
uste nuen zuk bazenduala
hemen zenbait kategori,
tabernan bizi zinan bitarte
teilatu dena erori,
nora begira egon zera zu
aizu, alper haundi hori?
Lazkano
Diru mordo bar neri ostuta
badadukazu gordia,
asko duenak oraindik gehigo
ohostu nahi luke ordia,
zuretzat dira nere etxea
berdin nere izardia,
ta insultatzen hasteko oraindik
badaukazu ausardia!
Gorrotxategi
Nagusiarentzat honek beti
du arrazoi biribila,
etxetik kanpo zabiltz sarritan
zu beste zerbaiten bila,
egin ba zendun bere garaian
teilatuan erretila,
orain ez zenduan jo beharrik
holako negar iskila.
Lazkano
Grina gaiztoak ditu berekin
maitasunaren tokian,
ta pentsamentu zuzerrik ez da
gizon honen bekokian,
etxea bera bazetorrela
aspalditik bazekian,
orain bidali nahi nau ni nunbait
erori dan aitzakian.
Gorrotxalegi
Aldamenetik hor hasi zera
Lazkano moko ta moko,
merezi dezu baina halare
ez zaitut gaur hemen joko
teilatu berria egingo det
eta gero neretzako,
artzai borda re badegu aski
zu zeran bezelakuantzako.
Datu-base honetan eskainitako informazioari buruz jakiteko, kontsultatu lege oharra