Bertsoak - Fitxa ikusi Atal honi buruz gehiago jakiteko
1986-03-09 Tolosa Txapelketa 17:00 [Bertsoa] / Imanol Lazkano
1986-03-09 Tolosa Txapelketa 17:00 [Bertsoa] / Imanol Lazkano
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Une honetan ditut gogoan
nere sasoiko egunak,
nere lagun zahar ugari eta
neronen bertso lagunak,
orain malkotan gogora behar
sasoia pasatu dunak,
bakardadean gelditu naiz ta
hautxek une ilunak,
nun dira orain garai batean
txaIo berotan nitunak. (bis)
Zakur koxkor bat banitz bezela
bazterturikan naukate,
ni galdetzen det mundu honetan
inork ez ote nau maite,
herri zerbitzen pasa ondoren
munduan hainbeste urte,
nere izatea eta izena
guziak ahaztu al dute?
Hemen txaIoak izaten dira
bat goian dabilen arte.
Garai batean izana nitzan
izen dezentean jabe,
oraindik ere indar haietan
gorputza banuke hobe,
ordun aberats sentitzen nitzan
orain nago guztiz pobre,
esan diteke, neu ez naizela
nere buruaren jabe,
zapatik ezin det lotu eta
zapatarik jantzi gabe.
Datu-base honetan eskainitako informazioari buruz jakiteko, kontsultatu lege oharra