Bertsoak - Fitxa ikusi Atal honi buruz gehiago jakiteko
1986-03-16 Bilbo Txapelketa 11:30 [Bertsoa] / Andoni Egaña, Juan Mari Narbaiza
1986-03-16 Bilbo Txapelketa 11:30 [Bertsoa] / Andoni Egaña, Juan Mari Narbaiza
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Narbaiza
Sarri bezela gera gaurkoan
zu ta ni biok alkartu,
ta oraingoan beharko gera
geure lanekin ohartu,
nik utzitako terrenoetan
ilargia zera sartu,
egun guztiz nik gozatu ditut
gaua zeure kontu hartu.
Egaña
Gogor lanean saiatu nadin
hartu dut erabakia,
pasoa libre utzi didazu
argitu zait bekokia,
ilunabarrez eguzki galga
ez da gauza egokia,
maiteminduak nere zai daude,
egin zaidazu tokia.
Narbaiza
Maiteminduak alkarri behar
gauza onak erakutsi,
horretarako zure babesa
hor egin zaie iritsi,
baina gauz askotako ilunak
badauka bere garrantzi,
egun goxo bat gauez mikazten
arren ez zazula utzi.
Egana
Gauza mikatzik nik dakidanez
ez det erasor artean,
gauza zatarrak berdin egiten
dira eguzki tartean,
aholkutxo bat eman didazu
eta konpondu gaitean,
maiteminduak zainduko ditut
nere argiaren pean.
Narbaiza
Beraz bakarrik zu zera gaurkoz
maiteminduen jueza,
baina gehiago esateko ere
badet nerekin amesa,
gau ilunetan gauz asko degu
oker eitea erreza,
zu zera gure lapur guztien
parteko edo babesa.
Egaña
Atakatuaz hasi zait eta
sortu dizkidan senperrak,
gauean sarri irteten dira
lapurrak era alperrak,
bainan hala re gutxitzen dira
alproja hoien okerrak
ilargi honek sortutzen ditun
argi printzari eskerrak.
Datu-base honetan eskainitako informazioari buruz jakiteko, kontsultatu lege oharra