BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (6. 1995)

Saioa

1995-12-03 Ordizia Txapelketa

Gai-emailea

Madariaga, Joxepa

Bertsolariak / Egileak

Agirre Goia, Unai

Sorozabal, Jokin

Lana

Binaka gaia-emanda puntutan

Jarritako gaia

Bi boxealari zarete. Ring-ean elkar joka baina lurrera erori dena arbitroa da. Nork bota du? Unai hasi eta sei bertso osatu arte segi.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1995-12-03 Ordizia Txapelketa [Bertsoa] / Unai Agirre Goia, Jokin Sorozabal

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

U.A
Oso ona ez daukak
aizak punteria,
J.S
hiri eman banian
a ze aberia!
U.A
Arbitroa altxatzen
orain komeria,
J.S
hemen egin behar dik
bakoitzak beria.

J.S
Nola ez zuen pitatzen
harek nere alde,
U.A
odolik nahi ez badek
bistatikan alde.
J.S
Potrotan eman diot
ta hik zeinek galde,
U.A
lantegia ez zaio
atera debalde.

U.A
Hurrena ikasiko dik
paretikan kentzen,
J.S
bestela nahiko lana
bizirik mantentzen.
U.A
Huraxe jotzia zen
guretzat errezen,
J.S
hi jo izan bahindut ere
lurrera joan hintzen.

J.S
Haundi hauek makalak
izaten bait dira,
U.A
baina kolpe bakarra
nahikoa guztira.
J.S
Nik jotzen bahaut ez haiz
joango urrutira,
U.A
baldin probau nahi badek
ez hai erretira.

U.A
Holakotxiak gaituk
boxealariak,
J.S
borrokan hasiez gero
kriston aberiak.
U.A
Arbitroarekiko
geure komeriak
J.S
hura bota diau ta
gaur txapeldun biak.

J.S
Txilipituarekin
nahiko txulo dabil,
U.A
orain ez dik pitauko
ez oso borobil.
J.S
Eskerrak medikua
zegoela hurbil,
U.A
deitu zaiok DYAri
ez baldin badek hil.