BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (6. 1995)

Saioa

1995-12-17 Donostia Txapelketa

Gai-emailea

Madariaga, Joxepa

Bertsolariak / Egileak

Zelaia, Iñaki

Lana

Bakarka gaia-emanda kartzelako-lana

Jarritako gaia

Espazio-ontzi batean urte betez zoriontsu izan zaren astronauta zaitugu. Orain itzultzeko ordua heldu zaizu.

Deskribapena

Doinua

Gregario edo laguntzaile naiz

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1995-12-17 Donostia Txapelketa [Bertsoa] / Iñaki Zelaia

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Nik oso txukun betea nuen
astronautaren papera,
bainan lurrean zertan gabiltza?
Hauxe da nere galdera.
Sateliten bat helduko balitz
hemen ze izango ote da?
Joan naiz ilargi aldera,
lagun batzukin batera.(bis)
Ta ondorengo hau pentsatu det
begiratuz goitik behera.
Gu zenbat geran pentsatzen degun
ta zein gauza gutxi gera!(bis)

Han ibili dan batek hementxe
egin behar du negarra.
Han bete nuen nere bihotza,
han hartu nuen indarra.
Espazio-ontzi baten barnean
hegoa eta iparra.
Han zen Jupiterko marra,
ta nunahi bazen izarra.(bis)
Ni bezelako gazte batentzat
itzultzea zoritxarra,
han izarreri begiratzea
izanikan lan bakarra.(bis)

Hainbeste leku eder ikusi
ditut bertatik guztira,
hemengo arazo hauek piska bat
konpondu izan balira!
Nere itzulera askoz hobea
gertatuko zen sikira,
urte ederra det tira,
argitzea komeni da.(bis)
Negarra ere egin det orain
lur zikin honi begira,
Hispasatean eo beste nunbait
ni banoa ilargira.(bis)