Bertsoak - Fitxa ikusi Atal honi buruz gehiago jakiteko
2003-10-25 Oñati Txapelketa [Bertsoa] / Nerea Elustondo
| Bertsoa entzun |
2003-10-25 Oñati Txapelketa [Bertsoa] / Nerea Elustondo
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Mundu hontara sortu ninduten
gizonezkoen gisara
jendearentzat hori arrunta
izan leike beharbada
baina ez nuen bat´e gustoko
ispiluaren islada;
hori dela-ta zuzendu nintzen
ospitale batetara
ta emakume izanarekin
zoriontsua naiz jada
sexua aldatu, aldatu dut bai
baina izana bera da.
Gogoz abitu ta sartu nintzen
ospitaleko atean
lehengo gezurra bizitzea zen
azken batean kaltean
ta nahiz jarria nauten neroni
marmar eskaparatean
une honetan ni sentitzen naiz
zoriontasun betean;
demostratzea lortu dut eta
gaur egungo gizartean
sentimenturik ez dagoela
sexu organu batean.
Behin esan nuen zintzilikario
guzti-guztiak akabo!
Nere izanak izan behar du
munduan zerbait gehiago
nortasun krisi txiki batean
egon izana luzaro
aldaketakin zoriontsu ta
gustora nago zeharo;
hala ta guztiz gauza bat argi
utzi beharra badago:
nintzenaz damu ez nintzen baina
gaur naizenaz harro nago.
Datu-base honetan eskainitako informazioari buruz jakiteko, kontsultatu lege oharra