BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (7. 2003)

Saioa

2003-11-02 Zumaia Txapelketa

Gai-emailea

Zaldua, Ion

Bertsolariak / Egileak

Agirreazaldegi, Ainhoa

Lana

Bakarka gaia-emanda kartzelako-lana

Jarritako gaia

Dozena bat arrosa bidali dizute gaur etxera. Txarteltxoak honela dio: "Orain arte asko maite izan zaitut". Hiru bertso nahi duzun neurri eta doinuan.

Deskribapena

Neurria / Estrofaren izena

Hamabiko handia (hg) / Sei puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2003-11-02 Zumaia Txapelketa [Bertsoa] / Ainhoa Agirreazaldegi

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Orain artean su epeletan
hain goxo egonak gara
sua itzaltzen ari ote den
zalantza dut beharbada.
Azkenaldiko hoztasun horrek
sortua zidan ikara
egia garbi esan didazu
orain bertatik bertara
lore hauekin eman didazu
zure azken besarkada
eta nik ezin zaitut gorroto
errua nirea bada.

Ainhoa urruntzen ari zaizula
esaten zidan zentzunak
baina ez ziren hain neurrikoak
emandako erantzunak.
Lagun artean kalean lasai
igaro ditut egunak
baina bizitzak jartzen dizkigu
merezitako isunak
zaintzen ditugu mimo goxotan
ezagunak ta lagunak
ta ez dakigu nola goxatu
gehien maite ditugunak.

Egun batean erori nintzen
maitasunaren menpeko
eta ametsa nuen luzaro
zure ondoan egoteko.
Orain badakit beti ez zaitut
nere ondoan gordeko
agian neure albotik urrun
egongo zara hobeto
eta eskerrak zor dizkizut nik
argi aitortu beharko
balio beza akats berbera
hurrena ez egiteko.