Bertsoak - Fitxa ikusi Atal honi buruz gehiago jakiteko
2003-11-02 Zumaia Txapelketa [Bertsoa] / Ainhoa Agirreazaldegi, Andoni Otamendi
2003-11-02 Zumaia Txapelketa [Bertsoa] / Ainhoa Agirreazaldegi, Andoni Otamendi
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Agirreazaldegi:
Hemezortzikin aukeratzeko
dugu abilidadea
nere bidetik zure bidera
Andoni bada aldea
erdarazkoa zurea eta
euskarazkoa nirea
urrats bakarrez atzean utzi
duzu guztion bidea. (bis)
And. Otamendi:
Berdina balitz euskeraz aizu
noski hartuko nuke nik´e
UPVak beti ematen du
hainbat odol irakite
eta euskera toki horretan
soilikan baita tramite
ta irakasleek euskera ere
justu-justu egiten dute. (bis)
A. Agirreazaldegi:
Gazte artean gaztelera da
gaur eguneroko moda
nik uste nuen gure hizkuntza
guk nahi genuela gora
zure bidea hartu ezkero
Andoni ez goaz inora
zu bezelako asko etorrita
berriz berdin pasako da. (bis)
And. Otamendi:
Gure etxean euskera dugu
aspalditikan neurriko
enpresaritza ikasketetan
ni erderaz naiz jarriko
kalean ere sarritan deitzen
didate nei baserriko
eta erderaz ikastea´re
gaizki ez zait etorriko. (bis)
A. Agirreazaldegi:
Erdara berez ikasten dugu
ez zaite izan ergela
orain artean geure hizkuntzak
betetzen zigun arbela
aurrera ere segi behar dugu
orain artean bezela
geuk erakutsi daigun eskara
hizkuntza heldua dela. (bis)
And. Otamendi:
Monterok ere beste hortikan
beti sartzen du euskera
horregatikan izan liteke
euskaldunentzat kaltera
barkatu Ainhoa baino ez zera
juango oso aurrera
itzulpenekin jardungo zera
itzulpen txarrak gainera. (bis)
Datu-base honetan eskainitako informazioari buruz jakiteko, kontsultatu lege oharra