Bertsoak - Fitxa ikusi Atal honi buruz gehiago jakiteko
2003-12-14 Irun Txapelketa [Bertsoa] / Jexux Mari Irazu Muñoa
2003-12-14 Irun Txapelketa [Bertsoa] / Jexux Mari Irazu Muñoa
Neurria:
Hamalaukoa, txikiaren moldekoa, 9 puntuz (hg) / Bederatzi puntukoa, txikiaren moldekoa (ip)
Kokapena:
XDZ - Xenpelar Dokumentazio Zentroa
Modu hontako sentsaziorik
ez nuen izan lehenago
bart arratsean pentsatzen nuen
"Nere bizitza akabo!".
Nere gorputza zainduagatik
ustez ondo ta oparo
gaixotasunak etortzen dira
ustekabe aroz aro
ta orain berriz zein larri nagon
kezkaturikan zeharo
sentitzen bainaiz arraro
zerbait egongo da klaro.
Sendagilean zai jarri eta
denbora ezin igaro
ta etortzerik nahi dudan ere
oso seguru ez nago.
Estuasuna eta trantzea
orain zenbat gorabehera!
Ta azkenean sendagilea
animatu da atera
hiru-lau prueba egin dizkit ta
erantzuna're kolpera :
" Aizazu gazte ederki zaude
sasoia dezu sobera"
baina oraindik nik sentitzen det
barruan zerbait minbera
esana egia ote da?
Hori da nere galdera.
"Animo!" esan dit ta gero eman
nere emaitzan papera
bertan jartzen du "Bihar joan zaitez
onkologiko batera".
Tumore txarra, tumore ona
zalantza hori ez da broma
ta medikuek izango ahal dute
behar besteko jaramona!
Azkenean zer eta egia
nere barruak ziona
oraindik nola pasatu bada
lehen neukan ezinegona
papera eskutan damakidala
ospitaleko lau horma
nun da nere zoriona?
Nere sasoiaren sona...
Baina esperantza mantenduko det
hori baita gauza ona
azken batean horixe baita
nere eskutan dagona.
Datu-base honetan eskainitako informazioari buruz jakiteko, kontsultatu lege oharra