BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-12-16 Donostia Txapelketa

Gai-emailea

Jauregi, Saroi

Bertsolariak / Egileak

Sarriegi, Aitor

Zubeldia, Iker

Lana

Binaka gaia-emanda

Jarritako gaia

Elkarren ezker-eskuin bizi zarete. Aitor, udako oporretan, karabanan, etxeko bartulo guztiak eta familia hartuta kanpinera joan zara, hilabete pasatzera. Aldameneko karabanan nor egongo eta Iker bizilaguna bere familiarekin.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-12-16 Donostia Txapelketa [Bertsoa] / Aitor Sarriegi, Iker Zubeldia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Zubeldia: Oporrak pasatzea
genduen buruan
eta Aitor jarri zait
nere inguruan.
Oporraldi ederra
pasako genduan
biolina etxean
utzi bazenduan. (bis)

A. Sarriegi: Oraindik ere ez naiz
ausartu jotzera.
Nentorren zu bistatik
ezkutatze aldera
baina ez ote zatoz
gaur faltsu antzera?
Ni nengoen tokira
zu etorri zera. (bis)

I. Zubeldia: Pistina eta guzti
kanpina konpleto!
Nun egon behar genun
guk askoz hobeto?
Bazkalondoan badu
zurrunka tarteko...
Ordua jarri behar deu
siesta eiteko. (bis)

A. Sarriegi: Han behintzat auzoko zan
ta hemen etxeko.
Eskopeta bat ez da
hona ekartzeko!
Txikiarekin nabil
beldurtu antzeko:
hau kapaz da umea
jo ta botatzeko! (bis)

I. Zubeldia: Bibolin zahar horrekin
ze pieza sorta!
Isilik bazeunde're
ez zion inporta!
Kontuz eskupetea
kotxean dago-ta!
Hobe txikia utzi
eta aita bota. (bis)

A. Sarriegi: Ederki hustu dezu
beste behin barrena;
aguantatu beharra
hori da txarrena.
Beste baten galdetu
behar dizut aurrena
noiz hartuko dituzun
oporrak hurrena.