Bertsoak - Fitxa ikusi   Atal honi buruz gehiago jakiteko

2001-05-19 Lasarte-Oria Txapelketa [Bertsoa] / Ainhoa Agirreazaldegi, Iñigo Izagirre

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusirako Gipuzkoako Sailkapena (2001)
Saioa
2001-05-19 Lasarte-Oria Txapelketa
Gai-emailea
Azkune, Laxaro
Bertsolariak / Egileak
Agirreazaldegi, Ainhoa
Izagirre, Iñigo
Lana
Binaka gaia-emanda
Jarritako gaia
Zuek biok zarete animaliak. Iñigo herriko belaze batean lasai larrean ari zaren zaldia zara, eta Ainhoa herriko festetan montatu duten tiobibo batekoa. Ea zer kontatzen diozuen elkarri.

Deskribapena

Doinua
Espainian behera
Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2001-05-19 Lasarte-Oria Txapelketa [Bertsoa] / Ainhoa Agirreazaldegi, Iñigo Izagirre

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

IZAGIRRE:
Zelai batean nago
eta ez naiz kexu,
zuri begira badet
nahiko konpromezu.
"Ai ama!" ta "ai ama!"
hainbeste errezu,
ta zer sentitzen dezun
konta dezakezu,
goitik behera burdin bat
sartuta badezu (bis)

AGIRREAZALDEGI:
Nahiz eta zuk burnirik
ez daukazun bate,
zuk duzun mantenua
ez da irtetzen merke.
Ni haurrei poz emanez
horrenbeste urte,
hoiek ilusiotan
ni piztutzen naute;
plazerra ematen diet
hogei duron truke. (bis)

IZAGIRRE:
Katxarro borobil bat
da zure aldare,
beti bueltan-bueltan han
suabe-suabe,
baina ikusten zaitut
hor zeharo grabe;
ume denak nirekin
alaienen pare,
kalanbrea izateko
arriskurik gabe. (bis)

AGIRREAZALDEGI:
Haurrak gainean dauzkat
nirekin luzaro,
kalanbrea izanda
hoientzat akabo!
Baina egun ez gara
gu hoien esklabo,
zure ile luzerik
gaur nigan ez dago,
baina laztantzen naute
zu baino gehiago. (bis)

IZAGIRRE:
Zu edo ni laztandu
ez da ez berdina,
nik bizia baitaukat
hori da jakina!
zuri beidatu hutsak
ematen dit mina,
egoera ez dezu
bate atsegina,
aurrekoa sekula
harrapatu ezina. (bis)

AGIRREAZALDEGI:
Bakoitzak badaukagu
bakoitzaren zama,
ta poza egin dezagun
biok erdi bana;
ni haur txikienentzat
jostailu laztana,
zu egitazkoa ta
badaukazu fama;
bakoitzak gorde beza
norberaren xarma. (bis)

Datu-base honetan eskainitako informazioari buruz jakiteko, kontsultatu lege oharra