Bertsoak - Fitxa ikusi   Atal honi buruz gehiago jakiteko

2001-05-19 Lasarte-Oria Txapelketa [Bertsoa] / Aitor Albistur, Aitor Mendiluze

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusirako Gipuzkoako Sailkapena (2001)
Saioa
2001-05-19 Lasarte-Oria Txapelketa
Gai-emailea
Azkune, Laxaro
Bertsolariak / Egileak
Albistur, Aitor
Mendiluze, Aitor
Lana
Binaka gaia-emanda
Jarritako gaia
Senar-emazteak zarete. Lurrikarak nahiko sarri izan dira zuen lurraldean historian zehar. Duela gutxi lurrikara batek zuen etxea suntsitu egin du. Mendiluze senarrak leku berean eraiki nahi luke berriz ere etxea. Albistur emazteak beste norabait begira ditu begiak.

Deskribapena

Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2001-05-19 Lasarte-Oria Txapelketa [Bertsoa] / Aitor Albistur, Aitor Mendiluze

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

MENDILUZE:
Hona iritsi ginen
amets batek jota,
zegoen arriskua
asko ez inporta;
orain gure etxea
hor behean dago-ta,
geureagatik behar
genduke borroka,
hura jausi da baina
gu ez gaitu bota.

ALBISTUR:
Hemen ondo bizitzen
hainbeste ahalegin,
saiatu ginen baina
ene senar ezin.
Lurrikaran kontuan
nahi al dezu jakin?
lurra ikaratu denez
mixeri honekin,
hemendik urrutira
behar dugu aldegin.

MENDILUZE:
Gertatu denarekin
erabat erreta,
beraz aldegitea
genuke errenta;
nik nere ametsa det
lur hontan gordeta
beraz zure ametsei
emaiezu buelta,
zer aurkituko dezun
ez dakizu eta.

ALBISTUR:
Lurrikara izan da
denan erruduna,
ta guk hemen ez dugu
aukera txukuna;
hemendik joatea
da egin behar duguna,
nahiz kanpoko mundua
den ezezaguna,
bate ez zait gustatzen
hemen daukaguna.

MENDILUZE:
Lur hau ez da nahi degun
bezain oparoa,
baina zuk etsitzea
zeinen arraroa!
Bizi gera, bizitza
aurrerantza doa
ta berriz ekitea
da nere gogoa;
lurra ez da ni baino
egoskorragoa.

ALBISTUR:
Baina lurrikarana
dugu erremate,
zu egoskorra zera
zuretzako kalte;
nere burua nahi det
hemendik aparte,
sufritzen ari gera
konturatu zaite;
dena kendu diguna
nik ezin det maite.

Datu-base honetan eskainitako informazioari buruz jakiteko, kontsultatu lege oharra