BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-04-21 Urnieta Txapelketa

Gai-emailea

Aldanondo, Igor

Bertsolariak / Egileak

Elustondo, Nerea

Otamendi, Luis

Lana

Binaka gaia-emanda kartzelako-lana

Jarritako gaia

Zu, Luis, hirugarren aldiz zoaz diru eske Nerea esponsorrarengana, Everesteko espedizioa dela-eta. Aurreko bietan ez duzu gailurra zapaldu.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-04-21 Urnieta Txapelketa [Bertsoa] / Nerea Elustondo, Luis Otamendi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

L. OTAMENDI:
Zugana diru eske
bi aldiz naiz joan,
Everesten gailurra
iritsi asmoan;
nahiz ta bitan geratu
beheraxeagoan,
ziur lortuko det nik
hirugarrengoan. (bis)

ELUSTONDO:
Berriz nigana zatoz
ene Luis maitea;
harrituta naukazu
nahi det esatea,
utopia dalako
gailurra egitea;
ez al zenuke hobe
Saloura joatea? (bis)

L. OTAMENDI:
Sufritu gabe ez da
ezertxo izaten,
ta nik ere nahi ditut
nere zainak eten;
berriz hirugarrenez
naiz zuregan joaten
eta zu ere arren
ez aspertu ematen. (bis)

ELUSTONDO:
Eskaera daukazu
beti-betikoa,
ta esatea nahi det
aizu mutikoa;
Everest da mito bat
kategorikoa,
zuk gailurra egitea
da beste mitoa. (bis)

L. OTAMENDI:
Eginahalean nabil
ekin eta ekin ,
nahiz ta bitan ez irten
nahi hainbat etekin;
zuk itxaropena izan
saiatzen bainaiz fin
eta ez zazu etsi
mutil jatorrakin. (bis)

ELUSTONDO:
Ezezkoan nago ni,
badaukat patxada
Everest zuretzako
delako pasada;
tori mila pezeta
zuretzako paga,
Land Roverra hartuta
zoaz Urbasara.