Bertsoak - Fitxa ikusi Atal honi buruz gehiago jakiteko
1991-03-23 Andoain Jaialdia [Bertsoa] / Joxe Agirre, Txomin Garmendia, Joxe Lizaso, Manuel Sein "Xanpun"
| Bertsoa entzun |
1991-03-23 Andoain Jaialdia [Bertsoa] / Joxe Agirre, Txomin Garmendia, Joxe Lizaso, Manuel Sein "Xanpun"
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Joxe Agirre
Harrokeria zala medio
piztua zuten sasia,
nere ustetan gizatasunez
han zegoen eskasia,
bera dalako hainbeste milak
galduko zuten bizia,
oraindik hankan gainean dago
Hussein bigote luzia. (BIS)
Jose Lizaso
Ondo dakigu gerra txoroa
jarri zutela pizturik,
Europa dena hor utzi zuten
egin ezinikan lorik,
egia esan ez diot eman
nik garrantzitxo haundirik,
ez baida izan kapitalistan
truko gaiztoa besterik. (BIS)
Xanpun
Han erakutsi dutena hau da
ez dela anitz ajola,
ta gerla nahi zuen gizona
oraino zutik dagola,
gizontasunak ez dute uste
iraun dezakenik hola,
beden ez bedi debalde izan
han ixuri den odola. (BIS)
Garmendia
Gaur gizarteak berekin dauka
petrolio egarria,
hortik sortu zan guda bat eta
guda batek dun larria,
nola Irak ta Kuwait artean
aska behar lokarria,
errugabeak pagatu dute
hori da penagarria. (BIS)
Datu-base honetan eskainitako informazioari buruz jakiteko, kontsultatu lege oharra