Bertsoak - Fitxa ikusi   Atal honi buruz gehiago jakiteko

1993-12-05 Eibar Txapelketa 11:30 [Bertsoa] / Jokin Sorozabal, Xabier "Euzkitze"

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (11. 1993)
Saioa
1993-12-05 Eibar Txapelketa 11:30
Gai-emailea
Azkune, Laxaro
Bertsolariak / Egileak
Sorozabal, Jokin
Xabier "Euzkitze"
Lana
Binaka gaia-emanda
Jarritako gaia
Zu, Xabier Euzkitze, printzesa zaitugu; eta Jokin Sorozabal, erregina. Printzesa, zure lagunek asteburu luze honetan guateke batera konbidatu zaituzte. Zuk joan nahi zenduke, baina zura ama erreginak ez dizu baimenik ematen.

Deskribapena

Doinua
Txoriak eta txoriburuak
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

1993-12-05 Eibar Txapelketa 11:30 [Bertsoa] / Jokin Sorozabal, Xabier "Euzkitze"

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Euzkitze:
Goren mailako bizimoduak
baditu hamaika gako.
Gonbidapena egin didate
festa eder baterako.
Nere lagunen inbiriz urtzen,
etxean egon beharko,
ta haiek nere inbiriz lan hau
zer den ez dakitelako.(bis)

Sorozabal:
Alde batera pentsatu nuen
zu hara joaten uztea;
baina gu beste klase bat gera,
hala da nere ustea;
ta hobe dezu gure artean
bizi alaba gaztea,
ez da komeni gure odola
beste batekin nahastea.(bis)

Euzkitze:
Odola nahastu edo ez nahastu
ez zait batere inporta,
mentalidade atzerakoiez
nazkaturikan nago ta.
Festara noa ta altu diot,
ahotsa pixkat iota:
behe mailan pozik bizi nahi nuke
ta ez goi mailan lurjota.(bis)

Sorozabal:
Behe mailakoa nahiago dezu
goikoa baino, aukeran.
Orain ez gera hemen hasiko
gauza hoien gorabeheran,
bizitzen segi beharko dezu
guraso zaharren tankeran,
jaiotzerako bazenekien
ze mailatakoa zeran.(bis)

Euzkitze:
Barkatu baina ez nago, ama,
ni zure borondatean:
zuen haizea, zuen ustea,
guztia geure kaltean.
Goateke hortan politik bada,
hango mutilen artean,
txirri egitera eramango dut
"Dos Caballos" zahar batean.(bis)

Sorozabal:
Zure bidea gureetatik
dabil nahiko apartean;
hori aldatzen hasten bazera
denontzako da kaltean.
Zure irudia garbi mantendu
gaztea zeran artean,
eta xirriak eingo dituzu
erregina izatean.(bis)

Datu-base honetan eskainitako informazioari buruz jakiteko, kontsultatu lege oharra