Bertsoak - Fitxa ikusi   Atal honi buruz gehiago jakiteko

1993-12-08 Bilbo Txapelketa 11:30 [Bertsoa] / Anjel Mari Peñagarikano, Aitor Sarasua

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (11. 1993)
Saioa
1993-12-08 Bilbo Txapelketa 11:30
Gai-emailea
Mandaluniz, Bernardo
Bertsolariak / Egileak
Peñagarikano, Anjel Mari
Sarasua, Aitor
Lana
Binaka gaia-emanda
Jarritako gaia
Zu, Anjel Mari, udaldian bertsotan gelditu gabe ibilitako bertsolaria zaitugu. Urrian oporrak hartu eta telefonorik ez den leku batera, mendira, joan zara. Han, Aitor, artzaia aurkitu duzu. Ezagutu zaitu eta "bota bertso bat" esan dizu lehen hitza.

Deskribapena

Doinua
Nafarroako mendi gainetan
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

1993-12-08 Bilbo Txapelketa 11:30 [Bertsoa] / Anjel Mari Peñagarikano, Aitor Sarasua

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Peñagarikano:
Herririk herri, plazarik plaza,
ene zenbat sufrimendu!
Hilabetean, bertsoa, behintzat,
nik burutik nahi det kendu.
Ezagutu nau eta artzaiak:
"benga, hasi!" esaten du.
Hobe zenduen gazta zaharra ta
ardoa eskeini bazendu! (bis)

A.Sarasua:
Gaztarik ez dut eskeini eta
honek hainbeste nahigabe;
beti jarraitu behar ote da
kaletar hauen mirabe?
Entzun dudanez, orain zarete
zuek dirutzaren jabe,
nik ardiekin kantatu ohi dut
batere kobratu gabe. (bis)

Peñagarikano:
Oporraldia behar dutenak
oraindik bagera batzuk,
eta atsedena hartzeko gogoa
nik honera gaur dakarzut.
Dohain kantatzen dezula hemen,
hala bota didazu zuk;
bota ezazu zeuk lehenengoa,
laister erantzungo dizut. (bis)

A. Sarasua:
Poto bat egin arren bertso bat
botako dut berehala,
ezjakina naiz baina ez pentsa
ni naizenikan makala.
Lanik sekula ez du egin da
hau ez da gauza normala:
orain oporrak hartu nahi ditu
aberats denek bezala. (bis)

Peñagarikano:
Urtean zehar ehundaka saio,
gainera borondatean;
esaten dute bertsotan hainbat
nola ibil litekean.
Telefonorik ez dan tokian
nahi nuke hilabetean.
Txorakeriak utz itzazu ta
utzi nazazu pakean. (bis)

A. Sarasua:
Bertsoak botaz oso famoso
ibili da munduz-mundu;
orain bakarrik egon nahi luke,
mundu hortatik urrundu.
Zakar hasi dut agurra, baina
zerbait nahi nuke txukundu:
Gazta puskarik gura baduzu,
ardiak jeisten lagundu. (bis)

Datu-base honetan eskainitako informazioari buruz jakiteko, kontsultatu lege oharra